குஜராத்: விபத்து மீட்புப் பணியில் ஈடுபட்டவா்கள் மீது காா் மோதல்: 9 போ் உயிரிழப்பு

குஜராத்தின் அகமதாபாத் நகரில் பாலம் ஒன்றில் ஏற்பட்ட விபத்தைத் தொடா்ந்து, அங்கு மீட்புப் பணியில் ஈடுபட்டிருந்தவா்கள் மற்றும் வேடிக்கை பாா்த்துக் கொண்டிருந்தவா்கள் மீது அதிவேகமாக வந்த ஒரு காா் மோதியது.

இதில் ஒரு காவலா், ஒரு ஊா்க்காவல் படை வீரா் உள்பட 9 போ் உயிரிழந்தனா். மேலும் 10 போ் காயமடைந்தனா்.

வியாழக்கிழமை அதிகாலையில் நோ்ந்த இந்த சம்பவம் குறித்து காவல் துறையினா் கூறியதாவது:

அகமதாபாத் நகரையொட்டியுள்ள பகுதியில் சாா்கேஜ்-காந்திநகா் நெடுஞ்சாலையில் அமைந்துள்ள ‘இஸ்கான்’ பாலத்தில் வியாழக்கிழமை அதிகாலை ஒரு மணியளவில் ஒரு காரும் லாரியும் மோதி விபத்து நிகழ்ந்தது.

இதையடுத்து, சம்பவ இடத்தில் மீட்புப் பணிக்காகவும், போக்குவரத்தை சரி செய்யவும் போக்குவரத்து காவலா்கள் வந்தனா்.

‘இஸ்கான்’ பாலம் அமைந்துள்ள பகுதி, சிற்றுண்டி மற்றும் தேநீா் கடைகள் நிறைந்த இடமாகும். இப்பகுதியில் இரவு நேரத்தில் இளைஞா்கள் கூட்டம் காணப்படும். பாலத்தில் காா்-லாரி மோதிய விபத்தைத் தொடா்ந்து, கீழேயிருந்த பலரும் அங்கு சென்றனா்.

மீட்புப் பணி நடைபெற்று கொண்டிருந்த நேரத்தில், பாலத்தில் அதிவேகமாக வந்த ஒரு காா், கூட்டத்தினா் மீது மோதியது. கண்ணிமைக்கும் நேரத்தில் நிகழ்ந்த இந்த சம்பவத்தில் 5 போ் சம்பவ இடத்திலேயே உயிரிழந்தனா். காயமடைந்த பலா் மருத்துவமனைகளில் அனுமதிக்கப்பட்டனா். அவா்களில் சிகிச்சை பலனின்றி 4 போ் உயிரிழந்தனா்.

மேலும் 10 போ் தொடா்ந்து சிகிச்சை பெற்று வருகின்றனா். உயிரிழந்தோரில் காவலரும், ஊா்க்காவல் படை வீரரும் அடங்குவா்.

விபத்தை ஏற்படுத்திய காரின் ஓட்டுநா் தாத்யா படேலும் காயமடைந்தாா். அவா் குடிபோதையில் இருந்ததாகத் தெரியவில்லை. ஆனால், அதிவேகமாக காரை ஓட்டியதே விபத்துக்கு காரணம் என்பது முதல்கட்ட விசாரணையில் தெரியவந்தது.

தாத்யா படேலுக்கு சிகிச்சை முடிந்ததும், அவா் கைது செய்யப்படுவாா் என்று காவல் துறையினா் தெரிவித்தனா்.