உக்ரைன் அதிபருடன் இன்று பேச்சுவாா்த்தை

உக்ரைன் மற்றும் மேற்காசியாவில் நடந்துவரும் போா்கள் ஆழ்ந்த கவலைக்குரியவை; இந்த பிரச்னைகளுக்கு பேச்சுவாா்த்தை மூலம் தீா்வுகண்டு, அமைதி மற்றும் ஸ்திரத்தன்மையை விரைந்து மீட்டெடுக்க தேவையான அனைத்து ஆதரவையும் இந்தியா நல்கும் என்று பிரதமா் நரேந்திர மோடி வியாழக்கிழமை கூறினாா்.

போலந்து பிரதமா் டொனால்டு டஸ்க் உடனான பேச்சுவாா்த்தைக்குப் பின்னா் செய்தியாளா்களிடம் பேசுகையில் அவா் இவ்வாறு தெரிவித்தாா்.

உக்ரைனில் பிரதமா் மோடி வெள்ளிக்கிழமை (ஆக.23) சுற்றுப்பயணம் மேற்கொள்ளவிருக்கும் நிலையில், அவரது கருத்துகள் முக்கியத்துவம் பெற்றுள்ளன.

இரண்டு நாள் பயணமாக போலந்துக்கு புதன்கிழமை வருகை தந்த பிரதமா் மோடிக்கு தலைநகா் வாா்சாவில் வியாழக்கிழமை அரசுமுறைப்படி சிவப்புக் கம்பள வரவேற்பு அளிக்கப்பட்டது. பின்னா், போலந்து பிரதமா் டொனால்டு டஸ்கை சந்தித்து, இருதரப்பு நல்லுறவை வலுப்படுத்துவது குறித்து பிரதமா் மோடி பேச்சுவாா்த்தை நடத்தினாா்.

பாதுகாப்பு, வா்த்தகம், புதுப்பிக்கத்தக்க எரிசக்தி, மருந்து தயாரிப்பு, நகா்ப்புற உள்கட்டமைப்பு, உணவு பதப்படுத்துதல், செயற்கை நுண்ணறிவு, விண்வெளி, குடிநீா் சுத்திகரிப்பு, திடக்கழிவு மேலாண்மை உள்ளிட்ட துறைகளில் ஒத்துழைப்பை விரிவுபடுத்த இருவரும் ஒப்புக் கொண்டனா்.

இருதரப்பு நல்லுறவை வியூக கூட்டாண்மை அந்தஸ்துக்கு உயா்த்த முடிவெடுக்கப்பட்டது. போலந்தில் திறன்மிக்க இந்தியப் பணியாளா்களின் பணியமா்த்துதலை ஊக்குவிக்கும் சமூகப் பாதுகாப்பு ஒப்பந்தமும் இறுதிசெய்யப்பட்டது.

பேச்சுவாா்த்தைக்குப் பின்னா் செய்தியாளா்களுக்கு இருவரும் கூட்டாக பேட்டியளித்தனா். அப்போது, பிரதமா் மோடி பேசியதாவது:

அழகிய நகரான வாா்சாவில் அன்பான வரவேற்பை அளித்த பிரதமா் டொனால்டு டஸ்குக்கு நன்றி. நீண்ட காலமாக இந்தியாவின் நண்பராக இருக்கும் அவா், இருதரப்பு நல்லுறவை மேம்படுத்துவதில் பெரும் பங்காற்றி வருகிறாா். இது, உண்மையிலேயே பாராட்டுக்குரியது.

இந்தியா-போலந்து இடையிலான உறவில் இன்றைய நாள் சிறப்புமிக்கதாகும். ஏனெனில், 45 ஆண்டுகளுக்குப் பிறகு முதல் முறையாக இந்திய பிரதமா் ஒருவா் போலந்துக்கு வந்துள்ளாா். எனது மூன்றாவது பதவிக் காலத்தின் தொடக்கத்தில் இந்த வாய்ப்பு கிடைத்துள்ளது.

நமது தூதரக உறவுகளின் 70-ஆவது ஆண்டை கொண்டாடும் இத்தருணத்தில், இருதரப்பு நல்லுறவை வியூக கூட்டாண்மை அந்தஸ்துக்கு உயா்த்த முடிவு செய்துள்ளோம்.

போலந்துக்கு நன்றி: சா்வதேச தளங்களில் இந்தியாவும் போலந்தும் ஒன்றோடொன்று ஒத்துழைத்து வருகின்றன. உலக சவால்களை எதிா்கொள்ளும் வகையில் ஐ.நா. மற்றும் இதர சா்வதேச அமைப்புகளில் சீா்திருத்தம் தேவை என இரு நாடுகளும் ஒப்புக் கொண்டுள்ளன.

2022 உக்ரைன் போரின்போது, இந்திய மாணவா்களை மீட்க போலந்து செய்த உதவியை நாங்கள் எப்போதும் மறக்க மாட்டோம். அதற்காக போலந்து அரசு மற்றும் மக்களுக்கு நன்றி தெரிவிக்கிறேன்.

பாதுகாப்புத் துறையில் இருதரப்புக்கும் இடையே நெருங்கிய ஒத்துழைப்பு இருப்பது, பரஸ்பர நம்பிக்கையின் அடையாளம். இந்த ஒத்துழைப்பு மேலும் வலுப்படுத்தப்படும். இரு நாடுகளுக்கும் பயங்கரவாதம் மிகப்பெரிய சவாலாகும். மனிதநேயத்தில் நம்பிக்கை கொண்ட நாடுகள் என்ற அடிப்படையில் பயங்கரவாத எதிா்ப்பில் மேலும் ஒத்துழைப்பு அவசியம்.

‘போா்க் களத்தில் தீா்வு கிடைக்காது’: எந்தவொரு பிரச்னைக்கும் போா்க் களத்தில் தீா்வுகாண முடியாது என்று இந்தியா உறுதியாக நம்புகிறது. உக்ரைன் மற்றும் மேற்காசியாவில் (இஸ்ரேல்-ஹமாஸ்) நடந்துவரும் போா்கள் ஆழ்ந்த கவலைக்குரியவை.

எந்தவொரு பிரச்னையிலும் அப்பாவி உயிா்கள் பறிபோவது, ஒட்டுமொத்த மனிதகுலத்துக்கும் மிகப்பெரிய சவாலாகும். அமைதி மற்றும் ஸ்திரத்தன்மையை விரைந்து மீட்டெடுக்க இந்தியா ஆதரவளிக்கிறது. இதற்காக நட்பு நாடுகளுடன் இணைந்து அனைத்து ஆதரவையும் நல்க தயாராக உள்ளோம் என்றாா் பிரதமா் மோடி.

‘இந்தியா முக்கியப் பங்காற்ற முடியும்’: போலந்து பிரதமா் டொனால்டு டஸ்க் கூறுகையில், ‘உக்ரைன் போரை அமைதியான-நியாயமான வழிமுறையில் விரைந்து முடிவுக்கு கொண்டுவர இந்தியா முக்கியப் பங்காற்ற முடியும். இதற்காக பிரதமா் மோடி வெளிப்படுத்திய உறுதிப்பாடு மகிழ்ச்சியளிக்கிறது’ என்றாா்.

போலந்து அதிபா் ஆண்ட்ரே டுடாவையும் சந்தித்த பிரதமா் மோடி, இருதரப்பு உறவுகளை வலுப்படுத்துவது குறித்து ஆலோசித்தாா்.

உக்ரைன் அதிபருடன் இன்று பேச்சுவாா்த்தை

உக்ரைன் அதிபா் வொலோதிமீா் ஸெலென்ஸ்கியுடன் பிரதமா் மோடி வெள்ளிக்கிழமை (ஆக. 23) பேச்சுவாா்த்தை நடத்தவுள்ளாா்.

போலந்து பயணத்தை வியாழக்கிழமை நிறைவு செய்த பிரதமா் மோடி, அங்கிருந்து இரவில் ‘ஃபோா்ஸ் ஒன்’ எனும் சொகுசு ரயில் மூலம் உக்ரைன் தலைநகா் கீவ்-க்கு புறப்பட்டாா். இந்த ரயிலானது, பல்வேறு வசதிகளுடன் உயா் பாதுகாப்பு அம்சங்களையும் கொண்டதாகும்.

சுமாா் 10 மணி நேரப் பயணத்துக்குப் பின்னா் கீவ் நகரை சென்றடையும் பிரதமா் மோடி, உக்ரைன் அதிபா் வொலோதிமீா் ஸெலென்ஸ்கியை சந்தித்துப் பேசவுள்ளாா். சுமாா் 7 மணி நேரம் அவா் உக்ரைனில் செலவிடவுள்ளாா்.

உக்ரைன் மீதான ரஷியாவின் படையெடுப்புக்குப் பிறகு கீவ் நகருக்கு செல்ல சா்வதேச தலைவா்கள் பலரும் இந்த ரயிலையே பயன்படுத்தி வருகின்றனா். அமெரிக்க அதிபா் ஜோ பைடன், பிரான்ஸ் அதிபா் இமானுவல் மேக்ரான் உள்ளிட்டோா் இந்த ரயிலில் பயணித்துள்ளனா்.

கடந்த மாதம் ரஷியாவுக்கு சென்ற பிரதமா் மோடி, அதிபா் விளாதிமீா் புதினுடன் பேச்சுவாா்த்தை நடத்தினாா். அப்போது, உக்ரைன் பிரச்னைக்கு போா்க் களத்தில் தீா்வு காண முடியாது என்று மோடி குறிப்பிட்டாா்.

உக்ரைன் மீதான ரஷியாவின் படையெடுப்பை இந்தியா இதுவரை வெளிப்படையாகக் கண்டிக்கவில்லை. இந்தச் சூழலில், பிரதமா் மோடியின் உக்ரைன் பயணம் எதிா்பாா்ப்பை ஏற்படுத்தியுள்ளது.