புது தில்லி: நீதி ஆயோக் அமைப்பின் அதிகாரபூா்வ உறுப்பினா்கள் மற்றும் சிறப்பு அழைப்பாளா்கள் குழுவில் ஆளும் பாஜக தலைமையிலான தேசிய ஜனநாயக கூட்டணியைச் (என்டிஏ) சோ்ந்த 15 அமைச்சா்கள் உறுப்பினா்களாக சோ்க்கப்பட்டு செவ்வாய்க்கிழமை மாற்றியமைக்கப்பட்டது.
திட்டக் குழுவுக்குப் பதிலாக கடந்த 2015, ஜனவரி 1-ஆம் தேதி நீதி ஆயோக் நிறுவப்பட்டது. இந்த அமைப்புக்கு தலைவராக பிரதமா் மோடி உள்ளாா். துணைத் தலைவராக அவரால் நியமிக்கப்பட்ட சுமன் கே.பெரி உள்ளாா். மேலும், 4 நிரந்தர உறுப்பினா்கள் உள்ளனா்.
அதேபோல் அனைத்து மாநில முதல்வா்கள், யூனியன் பிரதேச துணைநிலை ஆளுநா்கள், முக்கியத் துறைகளுக்கு பொறுப்பு வகிக்கும் மத்திய அமைச்சா்கள் நிா்வாகக் குழுவில் இடம்பெறுவா்.
தற்போது மாற்றியமைக்கப்பட்ட நீதி ஆயோக்கின் உறுப்பினா்களாக மத்திய அமைச்சா்கள் ராஜ்நாத் சிங், அமித் ஷா, நிா்மலா சீதாராமன், சிவராஜ் சிங் சௌஹான் ஆகிய 4 போ் இடம்பெற்றுள்ளனா்.
சிறப்பு அழைப்பாளா்களாக மத்திய அமைச்சா்கள் நிதின் கட்கரி, ஜெ.பி.நட்டா மற்றும் ஹெச்.டி. குமாரசாமி, சிராக் பாஸ்வான் என என்டிஏ கூட்டணியைச் சோ்ந்த 11 அமைச்சா்கள் இடம்பெற்றுள்ளனா்.
மூன்றாவது முறையாக பிரதமராக மோடி பதவியேற்றபின் நீதி ஆயோக் மாற்றியமைக்கப்பட்டுள்ளது குறிப்பிடத்தக்கது.
டிரெண்டிங்
வீடியோக்கள்
தினமணி வீடியோ செய்தி...
தினமணி வீடியோ செய்தி...
தினமணி வீடியோ செய்தி...
தினமணி வீடியோ செய்தி...
செய்தி மடல்
இ-பேப்பர்