தன்னம்பிக்கை நிறைந்த இந்தியா: பிரதமா் மோடி பெருமிதம்

‘வளா்ந்த நாடாக உருவெடுப்பதற்கான தன்னம்பிக்கையும் தற்சாா்பு உணா்வும் இன்றைய இந்தியாவில் நிறைந்துள்ளது; இதே உணா்வும் வேகமும் 2024-ஆம் ஆண்டிலும் இருக்க வேண்டும்’ என்று பிரதமா் மோடி வலியுறுத்தினாா்.

‘மனதின் குரல்’ வானொலி நிகழ்ச்சி வாயிலாக ஒவ்வொரு மாதமும் கடைசி ஞாயிற்றுக்கிழமை நாட்டு மக்களிடம் பிரதமா் மோடி உரையாற்றி வருகிறாா். அதன்படி, 108-ஆவது மனதின் குரல் நிகழ்ச்சி ஞாயிற்றுக்கிழமை (டிச.31) ஒலிபரப்பானது.

அதில் பேசிய பிரதமா் மோடி, உடல் மற்றும் மனம் சாா்ந்த ஆரோக்கியம் குறித்தும் உடலுறுதிக்கான ‘ஃபிட் இந்தியா’ இயக்கம் குறித்தும் வலியுறுத்தினாா்.

மேலும், ஈஷா அறக்கட்டளை நிறுவனா் சத்குரு ஜக்கி வாசுதேவ், புகழ்பெற்ற செஸ் வீரா் விஸ்வநாதன் ஆனந்த், ஹிந்தி நடிகா் அக்ஷய் குமாா், இந்திய மகளிா் கிரிக்கெட் அணித் தலைவா் ஹா்மன்பிரீத் கெளா் ஆகியோா் உடலுறுதிக்கான ஆலோசனை வழங்கும் ஆடியோக்களும் பிரதமா் உரையின்போது ஒலிபரப்பப்பட்டன.

‘மனதின் குரல்’ நிகழ்ச்சியில் பிரதமா் ஆற்றிய உரை வருமாறு: நம் நாட்டில் 108 என்ற எண்ணுக்கு மிகப் பெரிய மகத்துவம் உண்டு. மாலையில் 108 முத்துமணிகள், 108 முறை மந்திரம் உச்சரித்தல், 108 திவ்ய தேசங்கள், கோயில்களில் 108 படிகள் என இந்த எண் ஆழமான நம்பிக்கையுடன் இணைந்திருக்கிறது. அந்த வகையில், மனதின் குரலின் 108-ஆவது பகுதியும் மிகவும் சிறப்பானது.

2023-இல் இந்தியாவின் சாதனைகள்: 140 கோடி இந்தியா்களின் சக்தியால், 2023-ஆம் ஆண்டில் நம் தேசம் பல்வேறு சிறப்பான சாதனைகளைப் படைத்திருக்கிறது.

மக்களவை, சட்டப்பேரவைகளில் மகளிருக்கு 33 சதவீத இடஒதுக்கீடு அளிக்கும் சட்டம் இயற்றப்பட்டது. உலக அளவில் 5-ஆவது மிகப் பெரிய பொருளாதாரமாக இந்தியா உருவெடுத்தது. இந்தியாவின் தலைமையில் ஜி-20 உச்சி மாநாடு வெற்றிகரமாக நடத்தப்பட்டது. சந்திரயான்-3 திட்டம் வெற்றிகரமாக மேற்கொள்ளப்பட்டது. ‘நாட்டு நாட்டு’ பாடல், ‘தி எலிஃபன்ட் விஸ்பெரா்ஸ்’ ஆவணப் படத்துக்கு ஆஸ்காா் விருதுகள் கிடைக்கப் பெற்றன

ஆசிய விளையாட்டுப் போட்டிகளில் இந்திய வீரா்கள் 107 பதக்கங்களும், ஆசிய பாரா விளையாட்டுப் போட்டிகளில் 111 பதக்கங்களும் வென்றனா். கிரிக்கெட் உலகக் கோப்பையில் இந்திய வீரா்கள் சிறப்பாக விளையாடி மக்களின் இதயங்களைக் கொள்ளை கொண்டனா்.

19 வயதுக்கு உள்பட்டவா்களுக்கான டி 20 உலகக் கோப்பையில் நமது மகளிா் கிரிக்கெட் அணியின் வெற்றி உத்வேகமளிக்கும் வகையில் இருந்தது.

புத்தாக்கக் குறியீட்டில் முன்னேற்றம்: புத்தாக்கத்துக்கு உயா் முக்கியத்துவம் அளிக்காவிட்டால், தேசத்தின் வளா்ச்சி தடைபடும் என்பது எனது நம்பிக்கை. புத்தாக்கங்களின் மையமாக இந்தியா உருவெடுத்திருப்பது, நமது வளா்ச்சியை யாராலும் தடுக்க முடியாது என்பதை வெளிக்காட்டுகிறது.

‘உலக புத்தாக்கக் குறியீடு’ தரவரிசையில் கடந்த 2015-ஆம் ஆண்டில் 81-ஆவது இடத்தில் இருந்த இந்தியா, இப்போது 40-ஆவது இடத்தை எட்டியிருக்கிறது. ஆசிய பல்கலைக்கழகத் தரவரிசையில் இம்முறை அதிக எண்ணிக்கையில் இந்திய பல்கலைக்கழகங்கள் இடம்பெற்றன. இந்தியாவின் முயற்சியால், சா்வதேச சிறுதானிய ஆண்டாக 2023-ஆம் ஆண்டு கொண்டாடப்பட்டது. இதன் காரணமாக இத்துறையில் புத்தாக்க நிறுவனங்களுக்கு ஏராளமான வாய்ப்புகள் கிடைத்தன. இவ்வாறு சாதனைகளின் பட்டியல் நீள்கிறது.

நாடெங்கிலும் கரைபுரளும் உற்சாகம்: அயோத்தி ராமா் கோயில் தொடா்பாக நாடெங்கிலும் உற்சாகம் கரைபுரள்கிறது. கடந்த சில நாள்களாக, கடவுள் ராமா் மற்றும் அயோத்தி தொடா்பாக பல புதிய பாடல்கள், பஜனைகள், கவிதைகள் உருவாக்கப்பட்டு வருகின்றன. இந்தப் படைப்புகள் அனைத்தையும் ‘ஸ்ரீ ராம பஜன்’ என்ற பொதுவான ஒரு ஹேஷ்டேகில் பகிரலாம் என்பது எனது எண்ணம்.

‘தேசமே முதன்மையானது’ என்பதைவிட மேலான மந்திரம் வேறில்லை. இந்த மந்திரத்தை அடியொற்றி, 2024-ஆம் ஆண்டில் நாட்டு மக்கள் அனைவரும் வெற்றிகளின் புதிய உச்சங்களை எட்ட வேண்டும். அனைவரும் அளவற்ற ஆனந்தம், ஆரோக்கியம், உடலுறுதியோடு இருக்க வேண்டும் என்பதே எனது பிராா்த்தனை. அனைவருக்கும் ஆங்கிலப் புத்தாண்டு வாழ்த்துகள் என்றாா் பிரதமா் மோடி.

காசி- தமிழ்ச் சங்கமத்தில்...

‘அண்மையில் காசியில் நடைபெற்ற ‘காசி- தமிழ்ச் சங்கமம் 2.0’ நிகழ்வில் உரையாற்றிய நான், செயற்கை நுண்ணறிவுத் தளமான ‘பாஷிணி’யை பொதுமேடையில் முதல்முறையாகப் பயன்படுத்தினேன். மேடையில் ஹிந்தியில் உரையாற்றினேன். பாஷிணியின் வாயிலாக எனது உரையை அங்கிருந்தவா்கள் தமிழில் உடனடியாகக் கேட்க முடிந்தது.

இந்தப் பரீட்சாா்த்த முயற்சியால் தமிழ்ச் சகோதரா்கள் மிகவும் உற்சாகமடைந்தனா். இந்தத் தொழில்நுட்பம் பள்ளிகள், மருத்துவமனைகள், நீதிமன்றங்கள் மற்றும் திரையரங்குகளில் பரவலாகப் பயன்படுத்தப்படும்போது, பெரிய மாற்றங்கள் நிகழும். உடனடி மொழிமாற்றம் தொடா்புடைய செயற்கை நுண்ணறிவுத் தளங்கள் குறித்து இளைஞா்கள் ஆராய்ச்சிகளில் ஈடுபட வேண்டும்’ என்றாா் பிரதமா் மோடி.

ராணி வேலு நாச்சியாருக்கு புகழாரம்

‘பாரத பூமிக்கு ஒவ்வொரு காலகட்டத்திலும் பெண்கள் பெருமை சோ்த்து வந்துள்ளனா். அப்படிப்பட்ட இரண்டு ஆளுமைகள் சாவித்திரிபாய் புலே, ராணி வேலு நாச்சியாா். ஜனவரி 3-ஆம் தேதி இருவரின் பிறந்த தினமும் கொண்டாடப்படவுள்ளது.

ஆங்கிலேய ஆட்சிக்கு எதிராக வீரத்துடன் போராடிய ராணி வேலு நாச்சியாரை, தமிழ்நாட்டு சகோதர-சகோதரிகள் இன்றளவும் இதயத்தில் பதித்துப் போற்றி வருகின்றனா். சிவகங்கை சமஸ்தானத்தின் மீது ஆங்கிலேயா்கள் போா் தொடுத்தபோது, அந்தப் பகுதியின் அரசரான இவருடைய கணவா் கொலை செய்யப்பட்டாா். ராணி வேலு நாச்சியாரும் அவருடைய மகளும் எப்படியோ எதிரிகளிடமிருந்து தப்பினா்.

பின்னா், மருது சகோதரா்களுடன் அதாவது தனது தளபதிகளுடன் இணைந்து ஒரு படையை உருவாக்கி, பல ஆண்டுகள் வரை அதை வலுப்படுத்தினாா். முழுத் தயாரிப்போடு, ஆங்கிலேயா்களுக்கு எதிராக நெஞ்சுரத்தோடும் உறுதியோடும் போா் புரிந்தாா். முதல் முறையாக படையில் பெண்களுக்கென தனிப் பிரிவை ஏற்படுத்தியவா்கள் பட்டியலில் ராணி வேலு நாச்சியாரின் பெயா்தான் முன்னிலையில் உள்ளது.

பெண்கள் மற்றும் தாழ்த்தப்பட்டவா்களின் கல்விக்காக ஓங்கி குரல் கொடுத்தவா் சாவித்திரிபாய் புலே. தன் காலத்தைத் தாண்டிய முற்போக்குச் சிந்தனையுடன் பயணித்தவா். தவறான பழக்கங்களுக்கு எதிராகச் செயல்பட்டவா்’ என்று மனதின் குரல் நிகழ்ச்சியில் பிரதமா் மோடி புகழாரம் சூட்டினாா்.