பெரும் செல்வமுள்ள கட்சி பாஜக: ரூ.7,113 கோடி கையிருப்பு

பாஜகவிடம் ரொக்கம் மற்றும் வங்கி இருப்பாக ரூ.7,113 கோடி உள்ளது தோ்தல் ஆணையத்திடம் அக்கட்சி அளித்த ஆண்டு தணிக்கை அறிக்கை மூலம் தெரியவந்துள்ளது. இதன் மூலம், நாட்டில் பெரும் செல்வமுள்ள கட்சியாக பாஜக திகழ்கிறது.

பாஜகவின் ஆண்டு தணிக்கை அறிக்கையின்படி, கடந்த 2023-24-ஆம் நிதியாண்டில் தோ்தல் மற்றும் பொது பிரசாரங்களுக்கு (கடந்த ஆண்டு மக்களவைத் தோ்தல் நடைபெற்றது) ரூ.1,754.06 கோடியை பாஜக செலவிட்டுள்ளது. இது 2022-23-ஆம் நிதியாண்டில் தோ்தல் மற்றும் பொது பிரசாரங்களுக்கு அக்கட்சி செலவிட்ட ரூ.1,092 கோடியுடன் ஒப்பிடுகையில் 60 சதவீதம் அதிகம்.

தோ்தல் நிதிப் பத்திரங்கள் திட்டம் ரத்து செய்யப்படும் முன், அந்தப் பத்திரங்கள் மூலம் 2023-24-இல் ரூ.1,685.69 கோடியை பாஜக நன்கொடையாகப் பெற்றுள்ளது.

2023-24-இல் விளம்பரங்களுக்கு ரூ.591 கோடியை அக்கட்சி செலவிட்டுள்ளது. கடந்த ஆண்டு மாா்ச் 31-ஆம் தேதி நிலவரப்படி, அக்கட்சியிடம் ரொக்கம் மற்றும் வங்கி இருப்பாக ரூ.7,113.80 கோடி உள்ளது.

காங்கிரஸிடம் ரூ.857.15 கோடி கையிருப்பு:

தோ்தல் ஆணையத்திடம் காங்கிரஸ் அளித்த ஆண்டு தணிக்கை அறிக்கையின்படி, 2023-24-ஆம் நிதியாண்டில் தோ்தல் சாா்ந்த செலவினங்களுக்கு ரூ.619.67 கோடியை அக்கட்சி செலவிட்டுள்ளது. இது 2022-23 நிதியாண்டில் ரூ.192.56 கோடியாக இருந்தது.

2023-24-இல் தோ்தல் நிதிப் பத்திரங்கள் மூலம், அக்கட்சி ரூ.828.36 கோடி நன்கொடை பெற்றுள்ளது. அந்த நிதியாண்டில் விளம்பரங்களுக்காக அக்கட்சி ரூ.250 கோடிக்கும் அதிகமாக செலவிட்டுள்ளது. கடந்த ஆண்டு மாா்ச் 31-ஆம் தேதி நிலவரப்படி, அக்கட்சியிடம் ரூ.857 .15 கோடி கையிருப்பு உள்ளது.

ராகுலின் ‘பாரத ஒற்றுமை பயணம்’: ரூ.121.47 கோடி செலவினம்

கடந்த 2022-ஆம் ஆண்டு காங்கிரஸ் எம்.பி. ராகுல் காந்தி காஷ்மீரில் இருந்து கன்னியாகுமரி வரை பாரத ஒற்றுமை பயணம் (பாரத் ஜோடோ யாத்ரா) மேற்கொண்டாா். இதற்கு அக்கட்சி ரூ.71.84 கோடி செலவிட்டுள்ளது.

கடந்த 2024-ஆம் ஆண்டு மணிப்பூரில் இருந்து மும்பை வரை, பாரத ஒற்றுமை நீதிப் பயணத்தை (பாரத் ஜோடோ நியாய் யாத்ரா) ராகுல் காந்தி மேற்கொண்டாா். இதற்கு ரூ.49.63 கோடி செலவிடப்பட்டதாக அக்கட்சியின் ஆண்டு தணிக்கை அறிக்கையில் தெரிவிக்கப்பட்டுள்ளது.