‘மத்திய அரசு கொண்டுவந்துள்ள புதிய ஊரக வேலை உறுதிச் சட்டத்தை ஏழைகள் ஒன்றிணைந்து எதிா்க்க வேண்டும்; அப்படி எதிா்த்தால், மகாத்மா காந்தி தேசிய ஊரக வேலை உறுதியளிப்புத் திட்டம் மீண்டும் கொண்டு வரப்படும்’ என்று காங்கிரஸ் மூத்த தலைவா் ராகுல் காந்தி தெரிவித்தாா்.
தில்லியில் மகாத்மா காந்தி தேசிய ஊரக வேலை உறுதித் திட்ட ஊழியா்களின் தேசிய மாநாடு காங்கிரஸ் சாா்பில் வியாழக்கிழமை நடைபெற்றது. இதில் மக்களவை எதிா்க்கட்சித் தலைவா் ராகுல் காந்தி பங்கேற்றுப் பேசியதாவது:
வேலை தேவைப்படுவோருக்கு வேலை அளிப்பதே மகாத்மா காந்தி தேசிய ஊரக வேலை உறுதித் திட்டத்தின் சாராம்சம். அந்தத் திட்டம் அரசின் 3 அமைப்புகளாலும், பஞ்சாயத்து அமைப்புகளாலும் செயல்படுத்தப்பட்டது. மகாத்மா காந்தி தேசிய ஊரக வேலை உறுதித் திட்டத்தில் அனைத்து ஏழைகளும் வேலை செய்ய உரிமை அளிக்கப்பட்டிருந்தது. இதனால் பிரதமா் மோடியும், பாஜகவும் அந்தத் திட்டத்துக்கு முடிவு கட்ட விரும்பினா்.
சில ஆண்டுகளுக்கு முன்பு மூன்று கருப்பு வேளாண் சட்டங்களை அவா்கள் கொண்டு வந்தனா். விவசாயிகள் அனைவரும் ஒன்று சோ்ந்து, மத்திய அரசுக்கு அழுத்தம் கொடுத்து அந்தச் சட்டத்தை தடுத்து நிறுத்தினா். விவசாயிகளுக்கு எதிராகச் செயல்பட்டது போலத்தான், தற்போது மகாத்மா காந்தி தேசிய ஊரக வேலைத் திட்டத் தொழிலாளா்களுக்கு எதிராகவும் மத்திய அரசு செயல்படுகிறது.
புதிய சட்டத்தின் மூலம், பாஜக ஆளும் மாநிலங்களுக்கு வேலை மற்றும் நிதி ஒதுக்கீடு செய்வதில் முன்னுரிமை கொடுக்க மத்திய அரசு முடிவு செய்துள்ளது. அவா்கள் (பாஜக) சொத்துகள் அனைத்தும் சிலரிடம் மட்டுமே இருக்க வேண்டும் என்று விரும்புகின்றனா். அப்படி இருந்தால், ஏழை மக்கள் அதானி- அம்பானியை சாா்ந்திருப்பா். இதுதான் அவா்கள் விரும்பும் இந்தியா.
புதிய சட்டத்தின் பெயரை என்னால் நினைவுபடுத்தவே இயலவில்லை. உங்களுக்காவது (மாநாட்டில் கலந்து கொண்டோா்) புதிய சட்டத்தின் பெயா் நினைவுக்கு வருகிா?. அரசமைப்புச் சட்டம் மற்றும் தேசத்தின் மீது நம்பிக்கை வைத்துள்ள ஏழைகளுக்கு இந்த இயக்கம் புதிய வாய்ப்பாகும். அவா்கள் அனைவரும் ஒன்று சோ்ந்தால், மோடி பின்வாங்கிவிடுவாா். மகாத்மா காந்தி தேசிய வேலை உறுதித் திட்டம் மீண்டும் கொண்டு வரப்படும்.
அரசமைப்பு, ஜனநாயகம், ஒருவருக்கு ஒரு வாக்கு ஆகியவற்றுக்கு முடிவு கட்டுவதுதான் பாஜகவின் திட்டம். சுதந்திரத்துக்கு முன்பு நமது நாட்டில் இருந்த மன்னராட்சியைக் கொண்டு வர அவா்கள் விரும்புகின்றனா். இதைத் தடுத்து நிறுத்த ஒரே வழிதான் உள்ளது. அந்த வழியை விவசாயிகள் நமக்கு காட்டியுள்ளனா். அவா்கள் (பாஜக) கோழைகள் என்பது எனக்கு நன்கு தெரியும். ஆதலால் நாம் ஒன்று சோ்ந்தால், நிச்சயம் திட்டத்தின் பெயரையும், நடைமுறைகளையும் நாமே முடிவு செய்ய முடியும் என்றாா் ராகுல்.
காா்கே பேச்சு: மாநாட்டில் காங்கிரஸ் தேசியத் தலைவா் மல்லிகாா்ஜுன காா்கே பேசுகையில், ‘மகாத்மா காந்தியின் பெயரை மக்கள் மனதில் இருந்து அகற்றும் முயற்சியாகவே மகாத்மா காந்தி தேசிய ஊரக வேலைத் திட்டத்தின் பெயரில் இருந்து காந்தி பெயரை மத்திய அரசு நீக்கியுள்ளது. பட்ஜெட் கூட்டத் தொடரில் இதை காங்கிரஸ் கட்சி எழுப்பி கடுமையாக எதிா்க்கும். புதிய சட்டத்துக்கு எதிராக மக்கள் ஒன்று சேர வேண்டும். அந்தச் சட்டத்தை செயல்படுத்த அனுமதிக்கக் கூடாது’ என்றாா்.