கேரளம், அஸ்ஸாமில் வேட்புமனு தாக்கல் இன்று கடைசிஅமெரிக்காவில் இருந்து இந்தியா வந்தது 16,700 மெட்ரிக் டன் எல்பிஜிதேர்தல் நடவடிக்கையால் ‘ஹெச்பிவி' தடுப்பூசி திட்டம் பாதிக்காது: சுகாதாரத் துறைவெளிப்பகுதி பறவைகளால் கிண்டி பூங்காவில் பரவிய பறவைக் காய்ச்சல்! ஹோர்முஸ் நீரிணையைத் திறக்க ஈரானுக்கு டிரம்ப் 48 மணி நேர கெடுமுதல்வர் ஸ்டாலினுடன் மார்க்சிஸ்ட் குழு சந்திப்பு! இன்று தொகுதி உடன்பாடு?தலைமைத் தோ்தல் ஆணையருக்கு எதிரான நோட்டீஸ் மீது நடவடிக்கை எப்போது?எதிா்க்கட்சிகள் காத்திருப்பு! கேரளத்தில் வாக்காளர் பட்டியலில் இணைக்க மார்ச் 15 வரை சமர்ப்பிக்கப்பட்ட விண்ணப்பங்கள் மட்டுமே பரிசீலனை!புதுச்சேரி தவெக வேட்பாளர் பட்டியல் வெளியீடுசர்வதேச பயங்கரவாதத்தில் முதல்முறையாக பாகிஸ்தான் முதலிடம்! 2025-ல் 1,139 பேர் பலிபாஜகவில் இணைந்த சிபிஎம் தலைவர் ஸ்மிதா சுந்தரேசன்!விசிகவுக்கு வெற்றி வாய்ப்புள்ள தொகுதிகள் எவை? நாளை உயர்நிலை ஆலோசனை!நாளை தேமுதிக மாவட்ட செயலர்கள் கூட்டம் ஆந்திரம்: கலப்பட பால் விவகாரம் - இறப்பு எண்ணிக்கை 16-ஆக உயர்வு!6 தொகுதிகள் என்பதில் உறுதியாக இருக்கிறோம்: மார்க்சிய கம்யூனிஸ்ட் 8,931 நாள்கள் சாதனை! பிரதமர் மோடிக்கு ராஜ்நாத் சிங் வாழ்த்துபுதுச்சேரி அதிமுக வேட்பாளர்கள் அறிவிப்பு!எரிபொருள் தட்டுப்பாடு: பிரதமர் மோடி தலைமையில் அமைச்சர்கள் ஆலோசனை!ஹோர்முஸ் நீரிணை அருகே 1,600 கி.மீ. தாக்கி அழிக்கும் அணுசக்தி நீர்மூழ்கிக் கப்பல்! ஹவாய் வெள்ளப்பெருக்கு: 5,500-க்கும் மேற்பட்ட மக்கள் பாதிப்பு!திமுக கூட்டணியிலிருந்து வெளியேறினார் வேல்முருகன்!
/

எரிபொருள், மின்சாரம், உர விநியோகம்: பிரதமா் மோடி உயா்நிலை ஆய்வு!

பெட்ரோலியம், டீசல், எரிவாயு உள்ளிட்ட எரிபொருள்கள், மின்சாரம், உரங்கள் உள்ளிட்டவற்றின் விநியோகம் தொடா்பாக மூத்த மத்திய அமைச்சா்களுடன் பிரதமா் மோடி உயா்நிலை ஆய்வுக் கூட்டம் நடத்தினாா்.

News image

புது தில்லியில் பிரதமா் நரேந்திர மோடி தலைமையில் ஞாயிற்றுக்கிழமை நடைபெற்ற உயா்நிலை ஆலோசனைக் கூட்டம். ~புது தில்லியில் பிரதமா் நரேந்திர மோடி தலைமையில் ஞாயிற்றுக்கிழமை நடைபெற்ற உயா்நிலை ஆலோசனைக் கூட்டம்.

Updated On :23 மார்ச் 2026, 12:10 am

தினமணி செய்திச் சேவை

மேற்காசிய போா் நீடித்துவரும் பின்னணியில், நாட்டில் பெட்ரோலியம், டீசல், எரிவாயு உள்ளிட்ட எரிபொருள்கள், மின்சாரம், உரங்கள் உள்ளிட்டவற்றின் விநியோகம் தொடா்பாக மூத்த மத்திய அமைச்சா்களுடன் பிரதமா் நரேந்திர மோடி ஞாயிற்றுக்கிழமை உயா்நிலை ஆய்வுக் கூட்டம் நடத்தினாா்.

நாடு முழுவதும் மேற்கண்ட பொருள்களின் தடையற்ற-திறன்மிக்க விநியோகத்தை உறுதி செய்வது குறித்து முக்கிய ஆலோசனை மேற்கொள்ளப்பட்டதாக அரசு வட்டாரங்கள் தெரிவித்தன.

தில்லியில் நடைபெற்ற இக்கூட்டத்தில் பாதுகாப்புத் துறை அமைச்சா் ராஜ்நாத் சிங், மத்திய உள்துறை அமைச்சா் அமித் ஷா, மத்திய வேளாண் துறை அமைச்சா் சிவராஜ் சிங் செளஹான், வெளியுறவுத் துறை அமைச்சா் எஸ்.ஜெய்சங்கா், மத்திய நிதியமைச்சா் நிா்மலா சீதாராமன், மத்திய சுகாதாரத் துறை அமைச்சா் ஜெ.பி.நட்டா, மத்திய வா்த்தகம் மற்றும் தொழில் துறை அமைச்சா் பியூஷ் கோயல், ரயில்வே துறை அமைச்சா் அஸ்வினி வைஷ்ணவ், மத்திய துறைமுகங்கள் மற்றும் கப்பல் போக்குவரத்துத் துறை அமைச்சா் சா்வானந்த சோனோவால், மத்திய மின் துறை அமைச்சா் மனோகா் லால் கட்டா், மத்திய உணவு மற்றும் நுகா்வோா் விவகாரங்கள் துறை அமைச்சா் பிரல்ஹாத் ஜோஷி, விமான போக்குவரத்துத் துறை அமைச்சா் கே.ராம்மோகன் நாயுடு, பெட்ரோலியத் துறை அமைச்சா் ஹா்தீப் சிங் புரி, தேசியப் பாதுகாப்பு ஆலோசகா் அஜீத் தோவல், பிரதமரின் இரு முதன்மை செயலா்களான பி.கே.மிஸ்ரா, சக்திகாந்த தாஸ் உள்ளிட்டோா் பங்கேற்ாக அரசு வட்டாரங்கள் தெரிவித்தன.

தேசிய-உலகளாவிய நிலவரம்: ‘மேற்காசிய போரின் பின்னணியில், நாட்டில் பெட்ரோலியப் பொருள்கள் உள்பட அனைத்து அத்தியாவசியப் பொருள்களின் தடையற்ற விநியோகத்தை உறுதி செய்ய அரசுத் தரப்பில் துடிப்பான நடவடிக்கைகள் மேற்கொள்ளப்பட்டுள்ளன. இதுபோன்ற சூழலில், கச்சா எண்ணெய், எரிவாயு, பெட்ரோலியப் பொருள்கள், மின்சாரம், உரங்கள் தொடா்புடைய தற்போதைய நிலவரம் குறித்து மறுஆய்வு செய்யப்பட்டது.

மேற்காசிய போரின் தாக்கங்களில் இருந்து நாட்டின் நுகா்வோா் மற்றும் தொழில் துறையினரின் நலன்களைக் காக்க மேற்கொள்ள வேண்டிய நடவடிக்கைகள் மற்றும் உலகளாவிய நிலவரம் குறித்தும் ஆலோசிக்கப்பட்டது’ என்று வட்டாரங்கள் கூறின.

‘அயராது பணியாற்றும் மத்திய அரசு’: முன்னதாக, மேற்காசிய போா் உலகளாவிய எரிசக்தி நெருக்கடியைத் தூண்டியுள்ளதாக அண்மையில் குறிப்பிட்ட பிரதமா் மோடி, ‘இது நமது தேசிய இயல்பை பரிசோதிக்கும் காலகட்டம்; அமைதி-பொறுமை-விழிப்புணா்வின் வாயிலாக எதிா்கொள்ள வேண்டும்’ என்று மக்களுக்கு வேண்டுகோள் விடுத்தாா்.

சா்வதேச விநியோகச் சங்கிலியில் எழுந்துள்ள இடையூறுகளுக்கு (ஹோா்முஸ் நீரிணை முடக்கம்) தீா்வுகாண மத்திய அரசு அயராது பணியாற்றுவதாகவும் அவா் குறிப்பிட்டாா்.

Story image

இஸ்ரேல்-அமெரிக்கா மற்றும் ஈரான் இடையே கடந்த பிப்.28-இல் போா் தொடங்கியதில் இருந்து பல்வேறு உலகத் தலைவா்களுடன் பிரதமா் மோடி தொலைபேசி வாயிலாக ஆலோசனை மேற்கொண்டு வருகிறாா். இதுவரை இஸ்ரேல், ஈரான், சவூதி அரேபியா, ஐக்கிய அரபு அமீரகம், கத்தாா், பஹ்ரைன், குவைத், ஜோா்டான், பிரான்ஸ், மலேசியா ஆகிய நாடுகளின் தலைவா்களுடன் அவா் உரையாடியுள்ளாா்.

பாதுகாப்புக்கான அமைச்சரவைக் குழு கூட்டம்: மேற்காசிய போரால் ஏற்பட்டுள்ள சூழல் குறித்து ஆய்வு செய்ய புது தில்லியில் பிரதமா் மோடி தலைமையில் பாதுகாப்புக்கான அமைச்சரவைக் குழு கூட்டம் நடைபெற்றது. இந்தக் கூட்டத்தில் பொதுமக்களுக்கு அத்தியாவசியப் பொருள்கள் தொடா்ந்து கிடைப்பதை உறுதி செய்ய குறுகிய மற்றும் நீண்ட கால நடவடிக்கைகள் குறித்து விரிவாக விவாதிக்கப்பட்டது.

மேற்காசிய நாடுகளில் இருந்து இந்தியா உரம் இறக்குமதி செய்யும் நிலையில், விவசாயிகளுக்கு தொடா்ந்து உரம் கிடைக்க மாற்று வழிகள் குறித்தும் கூட்டத்தில் ஆலோசிக்கப்பட்டது. ரசாயனம், மருந்துகள், பெட்ரோகெமிக்கல் மற்றும் பிற தொழில் துறை நிறுவனங்களுக்கு தேவைப்படும் இறக்குமதியை வெவ்வேறு நாடுகளில் இருந்து மேற்கொள்வதற்கான நடவடிக்கைகள் குறித்து விவாதிக்கப்பட்டது. போரால் ஏற்படும் பாதிப்புகள் மூலம், நாட்டு மக்களுக்கு பெரிய அளவில் இடா்ப்பாடுகள் ஏற்படாமல் இருப்பதை உறுதி செய்ய, அனைத்து அரசுத் துறைகளும் ஒன்றிணைந்து பணியாற்ற வேண்டும் என்று பிரதமா் மோடி அறிவுறுத்தினாா்.