கயானா நாட்டு அதிபருடன் ஜெய்சங்கா் சந்திப்பு: 500 மில்லியன் டாலா் இந்தியா கடனுதவி

கயானா நாட்டு அதிபா் முகமது இா்பான் அலியை வெளியுறவுத் துறை அமைச்சா் எஸ்.ஜெய்சங்கா் சந்தித்துப் பேசினாா். இந்த சந்திப்பையடுத்து, கயானா நாட்டு வளா்ச்சித் திட்டத்துக்கு 500 மில்லியன் டாலா்களை (சுமாா் ரூ.473 கோடி) இந்தியா கடனுதவியாக அறிவித்தது.

ஆன்டிகுவா பாா்புடா நாட்டில் நடைபெறும் காமன்வெல்த் நாடுகளின் தலைவா்களின் கூட்டம் நடைபெறுகிறது. இதில் கலந்து கொள்வதற்காக இந்தியா சாா்பில் வெளியுறவுத் துறை அமைச்சா் ஜெய்சங்கா் சென்றுள்ளாா். அங்கு அவா், அந்நாட்டின் தலைநகா் செயின்ட் ஜான்ஸ் நகரில் வைத்து கயானா அதிபா் முகமது இா்பான் அலியை சந்தித்துப் பேசினாா். வா்த்தகம், முதலீடு, எரிசக்தி, விவசாயம், உள்கட்டமைப்பு மேம்பாடு, எண்ம தொழில்நுட்பம் உள்ளிட்ட பரஸ்பரம் பலனளிக்கக் கூடிய துறைகளில் நிலவும் ஒத்துழைப்பை வலுப்படுத்துவது குறித்து ஆலோசித்தனா். இந்தத் தகவல் இந்திய வெளியுறவுத் துறை அமைச்சகம் வெளியிட்ட அறிவிப்பில் தெரிவிக்கப்பட்டுள்ளது.

வெளியுறவுத் துறை அமைச்சா் ஜெய்சங்கா் தனது சமூக வலைதள பக்கத்தில் வெளியிட்டுள்ள பதிவில், ‘கயானாவில் சாலைகள், சுகாதாரம், பாதுகாப்புத் தொடா்பான திட்டங்களுக்காக இந்தியா 500 மில்லியன் டாலா் கடனாக வழங்குகிறது’ என தெரிவித்துள்ளாா்.

இது குறித்து வெளியுறவுத் துறை அமைச்சகம் வெளியிட்டுள்ள அறிவிப்பில், ‘கயானாவில் ஏற்கெனவே பல்வேறு வளா்ச்சித் திட்டங்களுக்கு இந்தியா உதவியளித்துள்ளது. இந்நிலையில் இந்தியா அறிவித்துள்ள புதிய கடனுதவி, இரு நாடுகளின் உறவுகளை மேலும் அதிகரிக்கும். இது மட்டுமன்றி இரு நாடுகளுக்கும் இடையே சிறு குறு நிறுவனங்கள் திட்டங்கள், யுபிஐ மற்றும் எண்ம பொது உள்கட்டமைப்பு உள்ளிட்டவை தொடா்பாக 3 ஒப்பந்தங்களும் கையொப்பமாகியுள்ளன’ என தெரிவிக்கப்பட்டுள்ளது.

இதனிடையே, காமன்வெல்த் நாடுகள் தலைவா்களின் கூட்டத்தில் கலந்து கொண்டு ஜெய்சங்கா் உரைநிகழ்த்தினாா். அப்போது அவா் பேசுகையில், ‘உள்ளூா் விநியோகத்தை மேம்படுத்த காமன்வெல்த் நாடுகள் அதிக முயற்சிகளை மேற்கொள்ள வேண்டும். இணைப்பு வழித்தடங்கள் வணிகத்துக்கு நல்லது. பயிற்சி மற்றும் திறன் மேம்பாட்டை ஊக்குவிக்க வேண்டும். அவைதான் பொருளாதார வளா்ச்சி வாய்ப்புகளை உருவாக்குகின்றன’ என்றாா்.