சீனாவில் டிரம்ப் - ஜின்பிங் - புதின் முத்தரப்பு சந்திப்பு தொடங்கியது!வி.எஸ். பாபு மறைவு: முதல்வர் விஜய் இரங்கல்!கொளத்தூர் தவெக எம்எல்ஏ வி.எஸ். பாபு காலமானார்!இந்தியாவில் ஹிந்துக்கள் விகிதம் குறையும்; முஸ்லிம்கள் அதிகரிப்பார்கள்! ஆய்வில் தகவல்!வி.எஸ். பாபு உடல்நிலை குறித்து விரைவில் அறிவிப்பு? மருத்துவமனை விரைந்தார் ஆதவ் அர்ஜுனா! போலீஸ் குவிப்புடாடா காட்டிய அக்வான்! ஏமாற்றத்திலிருக்கும் தமிழக மக்களுக்கு ஒரு நல்ல மழைச் செய்தி!கடும் தண்ணீர் பஞ்சம் ஏற்பட்டால் எப்படி இருக்கும்? கேப் டவுன் நகரமே சாட்சி!தை பிறந்தால் பல்கலைக்கழகங்களுக்கு வழி பிறக்கும்: அமைச்சர் விஸ்வநாதன்திருவண்ணாமலை தீபம்! சென்னை, விழுப்புரம், வேலூரில் இருந்து 16 மெமு ரயில்கள் - முழு விவரம்!தவெகவினர் அணையைக்கூட திறக்கிறார்கள், முதல்வர் விஜய் வாயை யாராலும் திறக்க முடியவில்லை! மு.க. ஸ்டாலின் கருத்துதிடீரென தங்கம் விலை குறைவது ஏன்? இது எத்தனை நாள்கள் வரை தொடரும்?திருப்பரங்குன்றம் விவகாரம்! தமிழக அரசின் நிலைப்பாட்டில் முரண்பாடு ஏன்? அண்ணாமலை கேள்வி!வெற்றி மகளிர் திட்டத்தில் பயன்பெற ஆதார் எண் கட்டாயம்!

அக்வான் புயல்! புரி ஜெகந்நாதர் கோயிலுக்கு வரும் பக்தர்களுக்கு கட்டுப்பாடுகள்!

புரி ஜெகந்நாதர் கோயிலுக்கு வரும் பக்தர்களுக்கு நிர்வாகம் விடுத்த கட்டுப்பாடுகள் பற்றி..

 Puri temple

புரி ஜெகந்நாதர் கோயில் - file photo

Updated On :

ஒடிசா கடற்கரையை நோக்கி 'அக்வான்' தீவிர புயல் நெருங்கி வருவதைத் தொடர்ந்து, புரி ஜெகந்நாதர் கோயில் பக்தர்களுக்கு கோயில் நிர்வாகம் கட்டுப்பாடுகளை விதித்துள்ளது.

வங்கக் கடலில் உருவாகியுள்ள அக்வான் புயல் ஒடிசாவில் கரையைக் கடக்கவுள்ள நிலையில், ஒடிசாவில் பலத்த பாதுகாப்பு ஏற்பாடுகள் மேற்கொண்டுள்ளனர்.

இதன் ஒரு பகுதியாக, ஒடிசாவின் புரி ஜெகந்நாதர் கோயிலுக்கு வரும் பக்தர்களுக்கு கோயில் நிர்வாகம் எச்சரிக்கை விடுத்துள்ளது.

அதன்படி, 12-ஆம் நூற்றாண்டைச் சேர்ந்த ஜெகந்நாதர் கோயில் தொடர்ந்து திறந்திருக்கும், அங்கு தினசரி வழிபாட்டுச் சடங்குகள் வழக்கம்போல நடைபெறும் என கோயில் நிரவாகம் தெரிவித்துள்ளது.

அதேபோன்று, புரியில் உள்ள ஸ்ரீ குண்டிச்சா கோயில் நவம்பர் 19 முதல் 21 வரை மூடப்பட்டிருக்கும்.

இதுதொடர்பாக ஸ்ரீ ஜெகன்னாதர் கோயில் நிர்வாகத்தின் தலைமை நிர்வாகி அரவிந்த பதி கூறுகையில்,

தீவிர புயல் 'அக்வான்' காரணமாக நிலவும் வானிலை சூழல் மற்றும் அதிகாரப்பூர்வ எச்சரிக்கைகளைக் கருத்தில் கொண்டு, பக்தர்கள் தங்கள் வருகையைத் திட்டமிடுமாறு அவர் கேட்டுக்கொண்டார்.

ஸ்ரீ ஜெகந்நாதர் நம் அனைவரையும் காத்து, ஆசிர்வதிப்பாராக என்று அவர் சமூக ஊடகப் பதிவில் அவர் குறிப்பிட்டுள்ளார்.

இந்த புயல், ஆந்திரப் பிரதேசத்தின் நர்சாபூர் மற்றும் ஒடிசாவின் புரிக்கு இடையே கடற்கரையைக் கடக்கும் என்று இந்திய வானிலை ஆய்வு மையம் கணித்துள்ளது.

புரியில் பக்தர்கள் மற்றும் பார்வையாளர்களின் பாதுகாப்பை உறுதி செய்ய பல்வேறு ஏற்பாடுகள் செய்யப்பட்டுள்ளதாக, மத்திய மண்டல காவல்துறை ஐஜிபி சத்யஜித் நாயக் தெரிவித்தார்.

கோனார்க்கில் உள்ள சந்திரபாகா கடற்கரை, சிலிகா ஏரி, அஸ்தரங்கா கடற்கரை மற்றும் மாவட்டத்தில் உள்ள பிற சுற்றுலாத் தலங்களிலும் கட்டுப்பாடுகள் விதிக்கப்பட்டுள்ளன.

இதற்கிடையில், புவனேஸ்வரில் உள்ள நந்தன்கானன் உயிரியல் பூங்கா மற்றும் அதனையொட்டியுள்ள மாநில தாவரவியல் பூங்கா ஆகியவை நவ. 19, 20 ஆகிய தேதிகளில் பார்வையாளர்களுக்காக மூடப்பட்டிருக்கும் என்று அதிகாரிகள் தெரிவித்தனர்.

முன்னெச்சரிக்கை நடவடிக்கையாக, கேந்திரபாரா மாவட்டத்தில் உள்ள பிதர்கனிகா தேசிய பூங்காவும் நவ. 21 வரை மூன்று நாள்களுக்கு மூடப்பட்டுள்ளது என்று தெரிவித்தனர்.

தினமணி செய்திமடலைப் பெற... Newsletter

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.

பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.