ஸ்ரீவில்லிபுத்தூரில் புதிய அரிமா சங்கம் தொடக்க விழா

ஸ்ரீவில்லிபுத்தூரில் புதியதாக, லயன்ஸ் கிளப் ஆப் ஸ்ரீவில்லிபுத்தூர் கோல்டு தொடக்க விழா ஞாயிற்றுக்கிழமை தனியார் திருமண மண்டபத்தில் மாவட்ட ஆளுநர் சிவகாமி எஸ்.ஆறுமுகம் தலைமையில் நடைபெற்றது.

நிகழ்ச்சிக்கு ஸ்ரீவில்லிபுத்தூர் நகர்மன்றத் தலைவி வி.செந்தில்குமாரி, தொடக்க வேளாண்மை கூட்டுறவு வங்கித் தலைவர் வி.டி.முத்துராஜ் ஆகியோர் முன்னிலை வகித்தனர். பட்டயத் தலைவர் என்.எஸ்.வேலாயுதம், செயலாளர் டி.கந்தசாமி, பொருளாளர் டி.திருப்பதிராஜ் உள்ளிட்ட நிர்வாகிகளுக்கு டி.தியாகராஜன் பதவிப் பிரமாணம் செய்து வைத்தார்.

பட்டய நிர்வாகக் குழு உறுப்பினர்களுக்கு பி.ஏ.பி.ராஜூ பதவிப் பிரமாணம் செய்து வைத்தார். நிகழ்ச்சியில் ஸ்ரீவில்லிபுத்தூர் அரிமா சங்க பட்டயத் தலைவர் டி.ஏ.எஸ்.ராமஸ்வாமி, நகர்மன்றத் தலைவி வி.செந்தில்குமாரி, தொடக்க கூட்டுறவு வங்கித் தலைவர் வி.டி.முத்துராஜ் உள்ளிட்டோர் வாழ்த்துரை வழங்கினர்.

பதவியேற்றபின் பட்டயத் தலைவர் என்.எஸ்.வேலாயுதம் உரையாற்றினார். அப்போது அவர் கூறியதாவது: ஸ்ரீவில்லிபுத்தூர் நகரின் வளர்ச்சிக்கும், மேம்பாட்டிற்கும் புதிய அரிமா சங்கம் முழு ஒத்துழைப்பு அளிக்கும். மேலும் ஏழைகள், ஆதரவற்றோர், வறுமையில் உள்ளோருக்கு மருத்துவம், கல்வி உள்ளவற்றில் வழிகாட்டி, அரசின் திட்டங்கள் அவர்களைச் சென்றடைந்து, அவர்கள் மேம்பாட்டிற்கு உதவும் என்றார்.

சங்கத்தின் பொறுப்புகளில் வழக்குரைஞர் ஆர்.முருகன், எம்.பாலசுப்பிரமணியன், எஸ்.பி.சுகுமாறன், பி.அங்குராஜ், ஆர்.கண்ணன், ஜி.சந்திரன் (எ) நாகராஜ் ஆகியோரும், இயக்குநர்களாக ஜி.கார்த்திக், எஸ்.எம்.ரவிசங்கர், எஸ்.ஜெயகிருஷ்ணன், டி.பாஸ்கர், ஜி.குருமுருகன், ஏ.குமாரவேல்சாமி ஆகியோர் பொறுப்பேற்றனர்.

சங்கத்தின் பல்வேறு சேவைகளின் தலைவர்களாக எல்.குழந்தைவேலு, எஸ்.கார்த்திகேயன், கே.ராமசுப்பிரமணியன், எஸ்.செல்வராஜ், பி.முருகன் ஆகியோர் பொறுப்பேற்றனர். நிகழ்ச்சியில் பல்வேறு ஊர்களில் இருந்து வந்திருந்த அரிமா சங்கத்தினர் உள்ளிட்ட ஏராளமானோர் கலந்து கொண்டனர்.