திருச்சியில் கனமழை தொடர்ந்து மக்கள் இயல்பு வாழ்க்கை பாதிப்பு

திருச்சி: வட மாநிலங்களில் சில தினங்களுக்கு முன் புயல் வீசியதுடன், கன மழையும் பெய்தது. இதில் பலத்த உயிர்ச்சேதமும் பொருள் சேதமும் ஏற்பட்டன. இந்நிலையில், பஞ்சாப், ஹரியாணா, ராஜஸ்தான் உள்ளிட்ட மாநிலங்களில் மீண்டும் புழுதிப் புயல் வீசியது. 

தலைநகர் தில்லியிலும் நேற்று மாலையில் புழுதிப் புயல் வீசியது. பின்னர் பரவலாக மழை பெய்தது.  ஹிமாசலப் பிரதேச மாநிலத்தில் ஆலங்கட்டி மழை பெய்தது. இதன் காரணமாக வீடுகளின் மேற்கூரைகள் சேதமடைந்தன. மின்விநியோகமும் பாதிக்கப்பட்டது. சாலைகளில் மழை நீர் பெருக்கெடுத்து ஓடியதால் போக்குவரத்து கடுமையாக பாதிக்கப்பட்டது.

இதைதொடர்ந்து திருச்சி இன்று ஒன்றரை மணி நேரம் உள் மாவட்டங்களின் பல பகுதிகளில் கனமழை பெய்தது. இதனால், வீடுகளுக்குள் தண்ணீர் புகுந்தது, மக்கள் அவதிக்குள்ளாகினர். இம்மழையால் வெப்பம் தணிந்து குளிச்சியான சூழல் நிலவியது.

வெப்பச் சலனம் காரணமாக அடுத்து வரும் 24 மணி நேரத்தில் தமிழகத்தின் உள்மாவட்டங்களின் ஓரிரு இடங்களில் இடியுடன் கூடிய மழை பெய்ய வாய்ப்புள்ளது. ஓரிரு இடங்களில் பலத்த காற்று வீசக்கூடும் என்று வானிலை மையம் தெரிவித்துள்ளது.