இன்றும் உயர்ந்தது பெட்ரோல், டீசல் விலை: பெட்ரோல் ரூ.86.51; டீசல் ரூ.78.69

சென்னை: தொடர்ந்து விலை உயர்ந்து வரும் பெட்ரோல், டீசல் விலை இன்றும் மேலும் 23 பைசா அதிகரித்துள்ளது. 

சென்னையில் நேற்றைய விலையில் இருந்து 23 காசுகள் அதிகரித்து இன்று ஒரு லிட்டர் பெட்ரோல் ரூ.86.51 ஆகவும், டீசல் விலை நேற்றைய விலையில் இருந்து 20 காசுகள் அதிகரித்து ஒரு லிட்டர் 78.68 ஆகவும் உயர்ந்துள்ளது. 

மும்பையில் இன்று ஒரு லிட்டர் பெட்ரோல் ரூ.90.57 ஆகவும், டீசல் விலை ஒரு லிட்டர் 79.01 ஆகவும் உயர்ந்துள்ளது. 

தில்லியில் இன்று ஒரு லிட்டர் பெட்ரோல் ரூ.83.22 ஆகவும், டீசல் விலை ஒரு லிட்டர் 74.42 ஆகவும் உயர்ந்துள்ளது. 

இந்த விலை மாற்றம் இன்று காலை 6 மணி முதல் அமலுக்கு வந்துள்ளது. 

சென்னை, மும்பை, தில்லி, கொல்கத்தா ஆகிய 4 பெரு நகரங்களில் தில்லியில்தான் பெட்ரோல் விலை ஒரு லிட்டர் ரூ.83.22 ஆகவும், டீசல் ஒரு லிட்டர் ரூ.74.42 ஆகவும் உள்ளது. மற்ற முக்கிய பெரு நகரங்களில் இதனைவிட அதிக விலைக்கே பெட்ரோல் விற்பனையாகி வருகிறது.

பெட்ரோல், டீசல் விலை உயர்வு விலைவாசி உயர்விலும் கணிசமான தாக்கத்தை ஏற்படுத்த துவங்கியுள்ளது. பொதுமக்களிடையே பெரும் அச்சத்தை ஏற்படுத்தி உள்ளது.