ஜம்மு-காஷ்மீரில் கரோனா பலி எண்ணிக்கை 300 -ஆக உயர்வு

ஸ்ரீநகர்: ஜம்மு-காஷ்மீரில் கரோனா தொற்றுக்கு பலியானவர்களின் எண்ணிக்கை 300 -ஆக அதிகரித்துள்ளது, தொற்று பாதிக்கப்பட்ட நான்கு பேர் சனிக்கிழமை உயிரிழந்ததாக மருத்துவர்கள் தெரிவித்துள்ளனர்.

ஜம்மு-காஷ்மீரில் வெள்ளிக்கிழமை மாலை வரை, கரோனாவுக்கு 16,782 பேர் பாதிக்கப்பட்டுள்ளனர், அவர்களில் 9,217 பேர் முழுமையாக குணமடைந்துள்ளனர், தொற்று பாதித்தவர்களில் 7,269 பேர் யூனியன் பிரதேசத்தைச் சேர்ந்தவர்கள். 

இந்நிலையில், தொற்று பாதிக்கு சிகிச்சை பெற்று வந்தவர்களில் 4 பேர் சனிக்கிழமை காலை சிகிச்சை பலனின்றி உயிரிழந்தனர். இதையடுத்து மாநிலத்தில் கரோனாவுக்கு பலியானவர்களின் எண்ணிக்கை 300-ஆக அதிகரித்துள்ளது. உயிரிழந்த நான்கு பேர்களில், மூன்று பேர் ஸ்ரீநகர் மாவட்டத்தையும், ஒருவர் பாரமுல்லாவையும் சேர்ந்தவர்கள் என்று மருத்துவர்கள் தெரிவித்தனர்.

பந்திபோராவைத் தவிர காஷ்மீரின் ஒன்பது மாவட்டங்களில் ஜூலை 27 ஆம் தேதி காலை 6 மணி வரை பொதுமுடக்கம் நடைமுறையில் உள்ளது. 

தொற்றுநோயால் உலகம் அதன் மோசமான சவால்களை எதிர்கொண்டுள்ளதால், அனைத்து மத போதகர்களும் பிரார்த்தனை மற்றும் தியானம் போன்ற செயல்களில் அதிக நேரம் செலவிடவும் வேண்டுகோள் விடுத்துள்ளனர்.