இந்தியா - பாக். மோதும் டி20 போட்டியின் டிக்கெட் விலை ரூ.16 லட்சமா?

ஐசிசி டி20 உலகக்கோப்பைத் தொடரில் இந்தியா - பாக். அணிகள் மோதும் போட்டியின் டிக்கெட் விலை ரூ.16 லட்சத்திற்கு விற்கப்படுவதாகக் கூறப்படுகிறது.
இந்தியா - பாக். மோதும் டி20 போட்டியின் டிக்கெட் விலை ரூ.16 லட்சமா?

ஐசிசி டி20 உலகக்கோப்பைத் தொடரை வருகிற ஜூன் 1 அன்று அமெரிக்கா மற்றும் மேற்கிந்தியத் தீவுகள் இணைந்து நடத்துகின்றன. டி20 தொடர் வரிசையில் 9-வது உலகக்கோப்பை தொடரான இதில், 20 அணிகள் பங்கேற்கின்றன.

இந்திய அணி, ஜூன் 5 அன்று தனது முதல் போட்டியில் அயர்லாந்தை எதிர்கொள்கிறது.

இந்த நிலையில், கிரிக்கெட் போட்டிகளில் மிகவும் எதிர்பார்ப்பை கிளப்பும் இந்தியா - பாகிஸ்தான் அணிகள் மோதும் போட்டி ஜூன் 9 அன்று நியூயார்க்கின் நாசாவ் கவுண்டி சர்வதேச கிரிக்கெட் மைதானத்தில் நடக்கவுள்ளது. இந்த போட்டிக்கான டைமண்ட் கிளப் டிக்கெட் விலை 20,000 டாலருக்கு (ரூ.16,64,858) விற்கப்படுவது கிரிக்கெட் ரசிகர்களிடையே அதிர்ச்சியை ஏற்படுத்தியுள்ளது.

இதுகுறித்து, தனது எக்ஸ் தளப் பக்கத்தில் பதிவிட்டுள்ள ஐபிஎல் முன்னாள் தலைவர் லலித் மோடி,” ஐசிசி உலகக்கோப்பைத் தொடரின் இந்தியா - பாகிஸ்தான் போட்டியின் டையமண்ட் கிளப்பிற்கான டிக்கெட்டுகளை 20,000 டாலருக்கு விற்பனை செய்வது அதிர்ச்சியளிக்கிறது.

இந்தியா - பாக். மோதும் டி20 போட்டியின் டிக்கெட் விலை ரூ.16 லட்சமா?
இந்தியத் தலைமைப் பயிற்சியாளர் பதவி: நிராகரித்த ரிக்கி பாண்டிங்!

அமெரிக்காவில் இந்த போட்டிகள் நடத்தப்படுவது விளையாட்டை விரிவுபடுத்தவும், ரசிகர்களை திரட்டுவதற்காகவுமே! வசூலில் லாபம் ஈட்டுவதற்காக அல்ல” என்று பதிவிட்டுள்ளார்.

மேலும், சர்வதேச கிரிக்கெட் ஆணையத்தை ‘சர்வதேச திருடர்கள் ஆணையம்’ என்றும் விமர்சித்துள்ளார்.

இந்தியா - பாகிஸ்தான் போட்டிகளுக்கான டிக்கெட் விலை 300 முதல் 10,000 டாலர் (ரூ. 25,000 முதல் 8.3 லட்சம் வரை) இருக்குமென ஐசிசி தெரிவித்துள்ளதாகக் கூறப்படுகிறது. ஆனால், இந்த போட்டிக்கான டிக்கெட்டுகள் கள்ளச் சந்தையில் ரூ. 1 கோடி வரை விற்கப்படுவதாக அமெரிக்க செய்தி நிறுவனம் தெரிவித்துள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
X
Dinamani
www.dinamani.com