பாலிவுட் நடிகை அனுஷ்கா ஷர்மாவுக்கு குளிர் கண்ணாடிகள் என்றால் கொள்ளைப் ப்ரியம். அவருக்கு எப்படி குளிர் கண்ணாடிகளைப் பிடித்திருக்கிறதோ அதே அளவுக்கு ஒரு பிரபல குளிர் கண்ணாடி பிராண்டுக்கும் அனுஷ்கா ஷர்மாவைப் பிடித்து விட்டது. பிடித்தால் என்ன செய்வார்கள்? உடனடியாக தனது பொருளின் பிராண்ட் அம்பாஸடராக அனுஷ்காவை நியமித்து விட்டது சம்பந்தப் பட்ட குளிர் கண்ணாடி நிறுவனம். அந்தப் பிரபல நிறுவனத்தின் பெயர் போலராய்டு. குளிர் கண்ணாடிகளுக்கென்றே நீடித்த நீண்டகாலப் புகழ் கொண்ட நிறுவனம் அது. அதற்குத் தான் அனுஷ்கா பிராண்ட் அம்பாஸிடர்.
வெயில் காலங்களில் மட்டும் தான் கூலர்கள் என்று சொல்லப்படக் கூடிய குளிர் கண்ணாடிகளை அணிய வேண்டும் என்பதெல்லாம் இல்லை. பயணத்தின் காரணமாக நீண்ட நேரமாக வெளியில் இருக்க வேண்டிய சூழல் உள்ளவர்களும் குளிர்கண்ணாடிகள் அணியலாம். கண்களுக்கு இதமாக இருப்பதோடு, பாதுகாப்பாகவும் இருக்கும் என்கிறார் தீபிகா.
பிரபலங்கள் பிராண்ட் அம்பாஸிடராக ஒப்பந்தம் செய்து கொண்ட பொருட்கள் தரமானவையாக இல்லா விட்டால், பொதுமக்கள் பிரபலங்களை குறை சொல்லி வருவதன் பின்னணி குறித்துக் கேள்வி எழுப்பியதற்கு அனுஷ்காவின் பதில்;
என்ன செய்வது? மக்களிடையே பொருட்களை தனியாகவும், விளம்பர மாடல்களைத் தனியாகவும் பிரித்து அணுகும் பழக்கம் இல்லை. அவர்கள் பிரபலங்களுக்காக பொருட்களையும், பிராண்ட்களையும் தேர்வு செய்வதால் தான் இப்படி ஒரு பிரச்சினை நீடிக்கிறது. ஆனால் போலராய்டு குளிர் கண்ணாடிகளைப் பொறுத்தவரை பொருளின் தரம் பற்றிய குறைபாடு எதுவும் இல்லை. இந்தியாவில் பல்லாண்டுகளாக சிறந்து விளங்கி மக்களின் நன்மதிப்பைப் பெற்ற நிறுவனாங்களில் ஒன்றாகவே கருதப்படுகிறது.