எப்படிச் சாத்தியமானது?: ஸ்டோக்ஸின் இந்த கேட்சை உங்களால் நம்பமுடிகிறதா? (விடியோ)

ஐசிசி ஒருநாள் உலகக் கோப்பை தொடக்க ஆட்டத்தில் தென்னாப்பிரிக்க அணியை 104 ரன்கள் வித்தியாசத்தில் வீழ்த்தி அபார வெற்றி பெற்றது இங்கிலாந்து. 

பென் ஸ்டோக்ஸ், ஜோஃப்ரா ஆர்ச்சர் ஆகியோர் அதன் வெற்றியில் முக்கிய பங்கு வகித்தனர். முதலில் ஆடிய இங்கிலாந்து 311/8 ரன்களை குவித்தது. பின்னர் ஆடிய தென்னாப்பிரிக்கா 207 ரன்களுக்கு ஆல் அவுட்டானது.

ரஷித் பந்துவீச்சில் ஆண்டில் பெலுக்வயோ, ஸ்டோக்ஸிடம் கேட்ச் கொடுத்து ஆட்டமிழந்தார். ரஷித் வீசிய பந்தை சிக்ஸருக்கு அடிக்க பெலுக்வயோ முயன்றபோது தனக்கு மேலே சென்ற பந்தை ஒற்றைக் கையால் பிடித்து அப்படியே சுழன்று கீழே விழுந்தார் ஸ்டோக்ஸ். மைதானத்தில் இந்தக் காட்சியைப் பார்த்த ரசிகர்கள் ஆர்ப்பரித்தார்கள். தொலைக்காட்சி ஒளிபரப்பில் வர்ணனையாளர்கள் ஸ்டோக்ஸை மிகவும் புகழ்ந்தார்கள். கிரிக்கெட் வரலாற்றில் மிகச்சிறந்த கேட்ச் இது என்று கிரிக்கெட் நிபுணர்கள் பலரும் கருத்து தெரிவித்துள்ளார்கள்.