செய்தி மடல்
இ-பேப்பர்
ஐசிசி தரவரிசையில் இரண்டாவது இடம்: 3 ஆண்டுகளுக்குப் பிறகு ஸ்டீவ் ஸ்மித் முன்னேற்றம்!
ஐசிசி டெஸ்ட் பேட்டர்களுக்கான தரவரிசையில் முன்னேறிய ஸ்டீவ் ஸ்மித் குறித்து...
ஸ்டீவ் ஸ்மித் (கோப்புப் படம்) - AFP
ஐசிசி டெஸ்ட் பேட்டர்களுக்கான தரவரிசையில் ஆஸ்திரேலிய வீரர் ஸ்டீவ் ஸ்மித் (37 வயது) மூன்று ஆண்டுகளுக்குப் பிறகு இரண்டாம் இடத்துக்கு முன்னேறி அசத்தியுள்ளார்.
கடைசியாக ஸ்டீவ் ஸ்மித் 2022, 2023ல் ஐசிசி தரவரிசையில் இரண்டாமிடம் பிடித்திருந்தார். பின்னர் 2024-25ல் மூன்று முதல் ஐந்து இடங்களில் மாறிக்கொண்டே இருந்தார்.
தற்போது, சுமார் மூன்று ஆண்டுகளுக்குப் பிறகு மீண்டும் இரண்டாம் இடம்பிடித்து அசத்தியுள்ளார். தற்போது முதலிடத்தில் ஹாரி புரூக் நீடிக்கிறார்.
ஐசிசி தரவரிசையில் 2015 முதல் 2021 வரை 7 ஆண்டுகள் அதாவது 1,500 நாள்களுக்கும் அதிகமாக முதலிடத்தை தக்கவைத்திருந்தார். பின்னர் மீண்டும் முதலிடத்தைப் பிடிக்காமல் இருக்கிறார்.
வங்கதேசத்துக்கு எதிரான தொடரில் ஆஸ்திரேலியா 1-1 என சமன்செய்தது. இந்தத் தொடரில் ஸ்மித் மூன்று இன்னிங்ஸில் 157 ரன்கள் எடுத்து அசத்தினார்.
அடுத்ததாக ஆஸ்திரேலிய அணி 3 போட்டிகள் கொண்ட டெஸ்ட் தொடரில் தென்னாப்பிரிக்காவை அதன் சொந்த மண்ணில் எதிர்கொள்ளவிருக்கிறது. இந்தத் தொடரில் சிறப்பாக செயல்பட்டால் மீண்டும் முதலிடம் பிடிக்க அதிகமான வாய்ப்பிருக்கிறது.
ஐசிசி டெஸ்ட் பேட்டர்களுக்கான தரவரிசை
1. ஹாரி புரூக் - 856 புள்ளிகள்
2. ஸ்டீவ் ஸ்மித் - 840 புள்ளிகள்
3. ஜோ ரூட் - 820 புள்ளிகள்
4. டிராவிஸ் ஹெட் - 811 புள்ளிகள்
5. டெம்பா பவுமா - 775 புள்ளிகள்
Summary
Second place in ICC rankings: Steve Smith moves up after 3 years!
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
