சென்னை சூப்பர் கிங்ஸ் அணி உடனான ஐபிஎல் போட்டியில் சன்ரைசர்ஸ் ஹைதராபாத் அணி பந்து வீச்சை தேர்வு செய்துள்ளது.
ஐபிஎல் போட்டியின் 46வது ஆட்டம் புணேவில் தொடங்கியுள்ளது. இதில் சென்னை சூப்பர் கிங்ஸ் அணியுடன் சன்ரைசர்ஸ் ஹைதராபாத் அணி மோதுகிறது.
முதலில் டாஸ் வென்ற ஹைதராபாத் அணியின் கேப்டன் கேன் வில்லியம்சன் பந்து வீச்சை தேர்வு செய்தார். இதனைத் தொடர்ந்து தோனி தலைமையிலான சென்னை அணி முதலில் விளையாட உள்ளது. சென்னை அணியில் கான்வே, சிம்ரஜித் சிங் ஆகிய இரு வீரர்கள் மாற்று வீரர்களாக இடம் பெற்றுள்ளனர்.
ஐபிஎல் போட்டி தொடங்கியது முதல் சிஎஸ்கேவின் கேப்டனாக 2 சீசன்கள் தவிர மொத்தம் 12 சீசன்கள் அணியை சிறப்பாக வழி நடத்தி வந்த தோனி நடப்பு ஐபிஎல் சீசனில் அந்த பொறுப்பை ஆல்-ரவுண்டா் ரவீந்திர ஜடேஜாவிடம் ஒப்படைத்திருந்தார்.