சன்ரைசா்ஸ் ஹைதராபாதுக்கு எதிரான ஞாயிற்றுக்கிழமை ஆட்டத்தில் சென்னை சூப்பா் கிங்ஸ் 13 ரன்கள் வித்தியாசத்தில் வென்றது.
முதலில் சென்னை 20 ஓவா்களில் 2 விக்கெட் இழப்புக்கு 202 ரன்கள் சோ்த்தது. அடுத்து ஹைதராபாத் 20 ஓவா்களில் 6 விக்கெட் இழப்புக்கு 189 ரன்கள் எடுத்தது.
சென்னை அணியின் கேப்டனாக தோனி மீண்டும் பொறுப்பேற்ற நிலையில், அணிக்கு இது முதல் ஆட்டமாகும். இதில் டாஸ் வென்ற ஹைதராபாத் முதலில் ஃபீல்டிங் செய்தது.
சென்னை பேட்டிங்கை தொடங்கி அதிரடியாக விளையாடிய ருதுராஜ் கெய்க்வாட் - டெவன் கான்வே கூட்டணி, முதல் விக்கெட்டுக்கு 182 ரன்கள் சோ்த்து அசத்தியது. சதத்தை நெருங்கிய ருதுராஜ் 6 பவுண்டரிகள், 6 சிக்ஸா்களுடன் 99 ரன்கள் எடுத்த நிலையில் துரதிருஷ்டவசமாக ஆட்டமிழந்தாா்.
தொடா்ந்து வந்த கேப்டன் தோனி 1 பவுண்டரியுடன் 8 ரன்களுக்கு நடையைக் கட்ட, ஓவா்கள் முடிவில் டெவன் கான்வே 8 பவுண்டரிகள், 4 சிக்ஸா்களுடன் 85, ரவீந்திர ஜடேஜா 1 ரன்னுடன் ஆட்டமிழக்காமல் இருந்தனா். ஹைதராபாத் பௌலிங்கில் நடராஜன் 2 விக்கெட்டுகள் எடுத்திருந்தாா்.
பின்னா் ஆடிய ஹைதராபாதில் அபிஷேக் சா்மா 5 பவுண்டரிகள், 1 சிக்ஸருடன் 39, கேப்டன் கேன் வில்லியம்சன் 2 பவுண்டரிகள், 2 சிக்ஸா்களுடன் 47 ரன்கள் சோ்த்து முயற்சித்தனா். ராகுல் திரிபாதி டக் அவுட்டாக, எய்டன் மாா்க்ரம் 17, ஷஷாங் சிங் 15, வாஷிங்டன் சுந்தா் 2 ரன்களுக்கு வீழ்ந்தனா்.
ஓவா்கள் முடிவில் நிகோலஸ் பூரன் 3 பவுண்டரி, 6 சிக்ஸா்களுடன் 64, மாா்கோ யான்சென் 0 ரன்னுக்கு ஆட்டமிழக்காமல் இருந்தனா். சென்னை தரப்பில் முகேஷ் சௌதரி 4, மிட்செல் சேன்ட்னா், டுவெய்ன் பிரெடோரியஸ் ஆகியோா் தலா 1 விக்கெட் சாய்த்தனா்.