ஐபிஎல் தொடரில் 200 விக்கெட்டுகளை வீழ்த்திய முதல் வீரராக மாறி யுஸ்வேந்திர சஹால் சாதனை படைத்துள்ளார்.
ஐபிஎல் தொடரில் ஜெய்பூரில் நடைபெற்று வரும் இன்றையப் போட்டியில் ராஜஸ்தான் ராயல்ஸ் மற்றும் மும்பை இந்தியன்ஸ் அணிகள் விளையாடி வருகின்றன. இந்தப் போட்டியில் டாஸ் வென்ற மும்பை இந்தியன்ஸ் முதலில் பேட் செய்தது.
நிர்ணயிக்கப்பட்ட 20 ஓவர்களின் முடிவில் மும்பை அணி 9 விக்கெட்டுகளை இழந்து 179 ரன்கள் எடுத்தது. ராஜஸ்தான் அணியின் யுஸ்வேந்திர சஹால் இன்றையப் போட்டியில் ஒரு விக்கெட்டினைக் கைப்பற்றினார். இதன்மூலம் ஐபிஎல் தொடரில் 200 விக்கெட்டுகள் வீழ்த்திய முதல் பந்துவீச்சாளராக மாறி அவர் சாதனை படைத்துள்ளார்.
ஐபிஎல் தொடரில் அதிக விக்கெட்டுகளை வீழ்த்திய பந்துவீச்சாளராகவும் அவர் வலம் வருகிறார். அவருக்கு அடுத்தபடியாக சிஎஸ்கேவின் முன்னாள் வீரர் டுவைன் பிராவோ 183 விக்கெட்டுகளைக் கைப்பற்றி அதிக விக்கெட்டுகள் கைப்பற்றிய 2-வது வீரராக உள்ளார்.
ஐபிஎல் தொடரில் முதலில்...
50 விக்கெட்டுகள் - ஆர்பி சிங் (12 ஏப்ரல் 2010)
100 விக்கெட்டுகள் - லசித் மலிங்கா (18 மே 2013)
150 விக்கெட்டுகள் - லசித் மலிங்கா (6 மே 2017)
200 விக்கெட்டுகள் - யுஸ்வேந்திர சஹால் (22 ஏப்ரல் 2024)
