விராட் கோலி, ரஜத் படிதார் அசத்தல்; மும்பை இந்தியன்ஸுக்கு 222 ரன்கள் இலக்கு!

மும்பை இந்தியன்ஸுக்கு எதிரான போட்டியில் முதலில் விளையாடிய ராயல் சேலஞ்சர்ஸ் பெங்களூரு 5 விக்கெட்டுகளை இழந்து 221 ரன்கள் எடுத்துள்ளது.

ஐபிஎல் தொடரில் மும்பை வான்கடே திடலில் நடைபெற்று வரும் இன்றையப் போட்டியில் மும்பை இந்தியன்ஸ் மற்றும் ராயல் சேலஞ்சர்ஸ் பெங்களூரு அணிகள் விளையாடி வருகின்றன. இந்தப் போட்டியில் டாஸ் வென்ற மும்பை அணி பந்துவீச்சைத் தேர்வு செய்ய, ஆர்சிபி முதலில் விளையாடியது.

இதையும் படிக்க: ஐபிஎல்-லிருந்து எப்போது ஓய்வு? மனம் திறந்த எம்.எஸ்.தோனி!

விராட் கோலி, ரஜத் படிதார் அரைசதம்

முதலில் விளையாடிய ராயல் சேலஞ்சர்ஸ் பெங்களூரு அணி நிர்ணயிக்கப்பட்ட 20 ஓவர்களின் முடிவில் 5 விக்கெட்டுகளை இழந்து 221 ரன்கள் எடுத்துள்ளது. அந்த அணிக்கு தொடக்கம் அதிர்ச்சியாக அமைந்தது. பில் சால்ட் 4 ரன்களில் ஆட்டமிழந்தார். அதன் பின், விராட் கோலியுடன் ஜோடி சேர்ந்தார் தேவ்தத் படிக்கல். இந்த இணை சிறப்பாக விளையாடி ரன்கள் சேர்த்தது. இருப்பினும், படிக்கல் 22 பந்துகளில் 37 ரன்கள் எடுத்து ஆட்டமிழந்தார். அதில் 2 பவுண்டரிகள் மற்றும் 3 சிக்ஸர்கள் அடங்கும்.

இதனையடுத்து, விராட் கோலியுடன் கேப்டன் ரஜத் படிதார் இணைந்தார். இந்த இணை அபாரமாக விளையாடியது. சிறப்பாக விளையாடிய விராட் கோலி 42 பந்துகளில் 67 ரன்கள் எடுத்தார். அதில் 8 பவுண்டரிகள் மற்றும் 2 சிக்ஸர்கள் அடங்கும். மறுமுனையில் அதிரடியாக விளையாடிய ரஜத் படிதார் 32 பந்துகளில் 64 ரன்கள் எடுத்தார். அதில் 5 பவுண்டரிகள் மற்றும் 4 சிக்ஸர்கள் அடங்கும். ஆட்டத்தின் இறுதிக்கட்டத்தில் களமிறங்கிய ஜித்தேஷ் சர்மா அதிரடியாக 19 பந்துகளில் 40 ரன்கள் குவித்தார். அதில் 2 பவுண்டரிகள் மற்றும் 4 சிக்ஸர்கள் அடங்கும்.

இதையும் படிக்க: ரசிகர்களுடன் அடிதடி: பாகிஸ்தான் வீரரை தரதரவென இழுத்துச் சென்ற பாதுகாவலர்!

மும்பை இந்தியன்ஸ் தரப்பில் டிரெண்ட் போல்ட் மற்றும் ஹார்திக் பாண்டியா தலா இரண்டு விக்கெட்டுகளைக் கைப்பற்றினர். விக்னேஷ் புதூர் ஒரு விக்கெட்டினை கைப்பற்றினார்.

222 ரன்கள் எடுத்தால் வெற்றி என்ற இலக்கை நோக்கி மும்பை இந்தியன்ஸ் அணி விளையாடி வருகிறது.