பி.வி.சிந்து அதிர்ச்சித் தோல்வி

ப்ரீமியர் பாட்மிண்டன் லீக் ஒரு பகுதியாக செவ்வாய்க்கிழமை இரவு நடைபெற்ற ஆட்டம் ஒன்றில் ஹைதராபாத் ஹண்டர்ஸ் அணி கேப்டன் பி.வி.சிந்து அதிர்ச்சி தோல்வி அடைந்தார்.
பிபிஎல் மும்பை பிரிவு ஆட்டங்கள் தொடங்கி நடைபெற்று வருகின்றன. ஏற்கெனவே பி.வி.சிந்து, புணே 7 ஏஸஸ் அணி கேப்டனும், உலக சாம்பியனுமான கரோலினா மரினை அபாரமாக வீழ்த்தி வென்றிருந்தார். இந்நிலையில் செவ்வாய்க்கிழமை ஹைதராபாத்-சென்னை ஸ்மாஷர்ஸ் அணிகள் இடையிலான ஆட்டம் நடைபெற்றது.
மகளிர் ஒற்றையர் பிரிவில் சென்னையின் சுங் ஜி ஹியுன் 15-13, 14-15, 15-7 என்ற கேம் கணக்கில் சிந்துவை வீழ்த்தி அபார வெற்றி பெற்றார்.
வேர்ல்ட் டூர் பைனல்ஸ் சாம்பியன் பட்டம் வென்ற சிந்து அதிர்ச்சித் தோல்வியடைந்தார்.
ஆடவர் ஒற்றையர் பிரிவில் ஹைதராபாத் அணியின் லீ ஹியுன் இல் வென்றார். இரட்டையர் முதல் ஆட்டத்தில் ஹைதராபாத்தின் போடின் இஸாரா-கிம் சே ரங் இணை சென்னை அணிவீரர்களை வென்றது.