ஐசிசி தரவரிசை: கவாஸ்கருக்கு அடுத்ததாக 900 புள்ளிகள் பெற்று விராட் கோலி சாதனை!

செஞ்சுரியன் டெஸ்ட் சதம் மூலம் தரவரிசையில் 2-ம் இடத்துக்கு உயர்ந்துள்ளார் கோலி.

Updated On :18 ஜனவரி 2018, 10:31 am

ஐசிசி டெஸ்ட் தரவரிசையில் 900 புள்ளிகள் பெற்ற ஒரே இந்தியர் சுனில் கவாஸ்கர். சச்சின், டிராவிடால் கூட அந்த இலக்கை எட்டமுடியாமல் போனது. இந்நிலையில் கவாஸ்கருக்கு அடுத்ததாக 900 புள்ளிகளைத் தாண்டிய 2-வது இந்தியர் என்கிற பெருமையைப் பெற்றுள்ளார் இந்திய கேப்டன் விராட் கோலி.

கவாஸ்கர் தனது 50-வது டெஸ்டில் 887 புள்ளிகள் முதல் 916 புள்ளிகளுக்குத் தாவினார். சச்சின் 2002-ல் 898 புள்ளிகளும் டிராவிட் 2005-ல் 892 புள்ளிகளும் பெற்றார்கள். அதுவே அவர்கள் எடுத்த உச்சபட்ச டெஸ்ட் தரவரிசைப் புள்ளிகள். இந்நிலையில் செஞ்சுரியன் டெஸ்ட் போட்டியில் சதமெடுத்த கோலி இந்த இலக்கை எட்டியுள்ளார்.

900 புள்ளிகளை அடைந்த 31-வது டெஸ்ட் வீரர் கோலி. இதுவரை டெஸ்ட் தரவரிசையில் அதிகப் புள்ளிகள் பெற்றவர் பிராட்மேன். அவர் எடுத்த 961 புள்ளிகளை இதுவரை யாராலும் நெருங்கமுடியவில்லை. சமீபத்தில் ஆஸி. கேப்டன் 947 புள்ளிகள் பெற்றார்.

செஞ்சுரியன் டெஸ்ட் சதம் மூலம் தரவரிசையில் 2-ம் இடத்துக்கு உயர்ந்துள்ளார் கோலி. முதல் இடத்தில் ஸ்மித் உள்ளார்.

பந்துவீச்சாளர்கள் வரிசையில் ஜேம்ஸ் ஆண்டர்சன் முதலிடத்தைப் பிடித்துள்ளார். கடந்தமுறை முதலிடத்தில் இருந்த ரபடா இரண்டாவது இடத்துக்கு இறங்கியுள்ளார். 3-வது ஜடேஜாவும் ஐந்தாவது இடத்தில் அஸ்வினும் உள்ளார்கள்.

ஐசிசி தரவரிசை: பேட்ஸ்மேன்கள்

1. ஸ்டீவ் ஸ்மித்
2. விராட் கோலி
3. ஜோ ரூட்
4. கேன் வில்லியம்சன்
5. டேவிட் வார்னர்

ஐசிசி தரவரிசை: பந்துவீச்சாளர்கள்

1. ஜேம்ஸ் ஆண்டர்சன்
2. ரபடா
3. ஜடேஜா
4. ஹேஸில்வுட்
5. அஸ்வின்

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News