புதிய விளம்பரத்தில் ஆச்சர்யப்படுத்தும் ராகுல் டிராவிட்! (விடியோ)

ராகுல் டிராவிட் நடிப்பில் உருவாகியுள்ள விளம்பரத்தை ட்விட்டரில் பகிர்ந்துள்ளார் இந்திய அணி கேப்டன் விராட் கோலி.

இந்திய அணிக்காக 164 டெஸ்டுகள், 344 ஒருநாள் ஆட்டங்கள் மற்றும் 1 டி20 ஆட்டத்தில் விளையாடியுள்ளார் ராகுல் டிராவிட். 2012-ல் சர்வதேச கிரிக்கெட்டிலிருந்து ஓய்வு பெற்றார். தற்போது நேஷனல் கிரிக்கெட் அகாதமியின் தலைவராக உள்ளார்.

இந்நிலையில் கிரெடிட் கார்ட் கட்டணங்களைச் செலுத்தும் கிரெட் இணையத்தளத்தின் விளம்பரத்தில் ராகுல் டிராவிட் நடித்துள்ளார். விளம்பரத்தில் ஆத்திரத்துடன் வசனங்களைப் பேசி அவர் நடித்திருப்பது ரசிகர்களை மட்டுமல்லாமல் இந்திய அணி கேப்டன் விராட் கோலியையும் ஆச்சர்யப்படுத்தியுள்ளது. இதன் விளம்பரத்தை தனது ட்விட்டர் தளத்தில் அவர் பகிர்ந்து, ராகுல் டிராவிடை இப்படிப் பார்த்ததே இல்லை எனக் கூறியுள்ளார்.