2022-ல் ஒரு சதமும் அடிக்காத ரோஹித் சர்மா!

இந்திய கேப்டன் ரோஹித் சர்மா 2022-ல் ஒரு சதமும் அடிக்காமல் ஏமாற்றியுள்ளார்.

2013-க்குப் பிறகு முதல்முறையாக அவருக்கு இந்நிலை ஏற்பட்டுள்ளது. வங்கதேசத்துக்கு எதிரான 2-வது டெஸ்டில் காயம் காரணமாக ரோஹித் சர்மா பங்கேற்கவில்லை. இதையடுத்து 2022-ம் ஆண்டை ஒரு சதமும் அடிக்காமல் முடித்துள்ளார். 

காயம் மற்றும் ஓய்வு காரணமாக இந்த வருடம் பல ஆட்டங்களில் ரோஹித் சர்மா பங்கேற்கவில்லை. இங்கிலாந்தில் நடைபெற்ற டெஸ்டிலும் வங்கதேச டெஸ்ட் தொடரிலும் பும்ராவும் கே.எல். ராகுலும் கேப்டன்களாகச் செயல்பட்டார்கள். 

35 வயது ரோஹித் சர்மா இந்த வருடம் 2 டெஸ்டுகளில் மட்டும் விளையாடி 90 ரன்கள் எடுத்தார். மார்ச் மாதம் இலங்கைக்கு எதிராக இரு டெஸ்டுகளில் விளையாடினார். அவ்வளவுதான். 

2022-ல் 8 ஒருநாள் ஆட்டங்களில் விளையாடி 3 அரை சதங்களுடன் 249 ரன்கள் எடுத்தார். 

டி20 உலகக் கோப்பை காரணமாக இந்த வருடம் 29 டி20 ஆட்டங்களில் விளையாடி 3 அரை சதங்களுடன் 656 ரன்கள் எடுத்தார். 

2 வருடங்களுக்கும் மேலாக சதமடிக்காமல் இருந்த விராட் கோலி இந்த வருடம் இரு சதங்கள் எடுத்துவிட்டார். எனினும் ரோஹித் சர்மாவுக்கு அந்நிலை ஏற்படவில்லை. ஒருநாள் கிரிக்கெட்டில் கிட்டத்தட்ட மூன்று வருடங்களாக சதமடிக்காமல் உள்ளார். கடைசியாக ஜனவரி 2020-ல் ஆஸ்திரேலியாவுக்கு எதிராக சதமடித்தார். டி20 கிரிக்கெட்டில் கடைசியாக நவம்பர் 2018-ல் சதமடித்தார். டெஸ்டில் கடந்த வருடம் சென்னையில் இங்கிலாந்துக்கு எதிராகச் சதமடித்தார். 

2-வது டெஸ்டில் இரு வீரர்கள் விலகல்: பிசிசிஐ அறிவிப்பு

உலகக் கோப்பை: ஜியோ சினிமா செயலி வழியாகப் பார்த்த ரசிகர்கள் எத்தனை பேர்?

கோவையில் தொடங்கிய ரஞ்சி கோப்பை ஆட்டம்!

உலகக் கோப்பை வெற்றி: ஆர்ஜென்டீனாவில் இன்று பொது விடுமுறை!

3-0: டெஸ்ட் தொடரில் பாகிஸ்தானை நொறுக்கிய இங்கிலாந்து!