டி20 தரவரிசை: முதலிடம் பிடித்த இலங்கை பந்துவீச்சாளர்!

பந்துவீச்சாளர்களுக்கான ஐசிசி டி20 தரவரிசையில் இலங்கைச் சுழற்பந்து வீச்சாளர் ஹசரங்கா முதலிடம் பிடித்துள்ளார்.

டி20 உலகக் கோப்பைப் போட்டியில் விளையாடிய 8 ஆட்டங்களில் 15 விக்கெட்டுகளை எடுத்துள்ளார் இலங்கை சுழற்பந்து வீச்சாளரான ஹசரங்கா. இதையடுத்து பந்துவீச்சாளர்களுக்கான ஐசிசி டி20 தரவரிசையில் முதலிடத்தில் இருந்த ரஷித் கானைப் பின்னுக்குத் தள்ளி ஹசரங்கா முதலிடம் பிடித்துள்ளார். இதற்கு முன்பு நவம்பர் 2021-ல் டி20 தரவரிசையில் முதலிடம் பிடித்தார் ஹசரங்கா. 

முதல் 10 வீரர்களில் எந்தவொரு இந்தியப் பந்துவீச்சாளருக்கும் இடம் கிடைக்கவில்லை. புவனேஸ்வர் குமார் 12-வது இடத்திலும் அஸ்வின் 13-வது இடத்திலும் உள்ளார்கள். அர்ஷ்தீப் சிங் 23-வது இடத்தில் உள்ளார். 

கால்பந்து உலகக் கோப்பைப் போட்டியை கத்தாருக்கு வழங்கியது தவறு: ஃபிஃபா முன்னாள் தலைவர்

தினேஷ் கார்த்திக்கா, ரிஷப் பந்தா?: ரோஹித் சர்மா பதில்