ஆஸ்திரேலிய டெஸ்ட் தொடர்: பிரபல தெ.ஆ. வீரர் விலகல்!

தென்னாப்பிரிக்க அணியின் ஆஸ்திரேலியச் சுற்றுப்பயணத்திலிருந்து பிரபல வீரர் கீகன் பீட்டர்சன் விலகியுள்ளார். 

தென்னாப்பிரிக்க அணி ஆஸ்திரேலியாவுக்குச் சுற்றுப்பயணம் செய்து 3 டெஸ்டுகள், 3 ஒருநாள் ஆட்டங்களில் விளையாடுகிறது. டெஸ்ட் தொடர் டிசம்பர் 17-ல் தொடங்குகிறது. 

இந்நிலையில் காயம் காரணமாகப் பிரபல தென்னாப்பிரிக்க பேட்டர் கீகன் பீட்டர்சன் டெஸ்ட் தொடர்களிலிருந்து விலகியுள்ளார். டி20 போட்டியில் விளையாடியபோது ஏற்பட்ட காயம் காரணமாக இந்நிலை ஏற்பட்டுள்ளது. 2021-ல் சர்வதேச கிரிக்கெட்டுக்கு அறிமுகமான பீட்டர்சன், இதற்கு முன்பு கரோனா பாதிப்பு காரணமாக நியூசிலாந்துச் சுற்றுப்பயணத்திலிருந்து விலகினார். 

29 வயது பீட்டர்சன், தென்னாப்பிரிக்க அணிக்காக இதுவரை 10 டெஸ்டுகளில் விளையாடியுள்ளார்.