2011 உலகக் கோப்பைப் போட்டியை வென்ற இந்திய அணி அதன்பிறகு பங்கேற்ற உலகக் கோப்பைப் போட்டிகளை வெல்ல முடியாமல் முக்கியமான கட்டங்களில் தொடர்ந்து தோல்வியடைந்து வருகிறது.
அடிலெய்டில் நடைபெற்ற டி20 உலகக் கோப்பைப் போட்டியின் 2-வது அரையிறுதியில் இந்தியா - இங்கிலாந்து அணிகள் மோதின. இந்திய அணி 20 ஓவர்களில் 6 விக்கெட் இழப்புக்கு 168 ரன்கள் எடுத்தது. பாண்டியா 63, கோலி 50 ரன்கள் எடுத்தார்கள். பாண்டியாவின் அபாரமான ஆட்டத்தால் இந்திய அணி கடைசி 5 ஓவர்களில் 68 ரன்கள் எடுத்தது. ஜோர்டன் 3 விக்கெட்டுகளை வீழ்த்தினார். இங்கிலாந்து அணி 16 ஓவர்களிலேயே விக்கெட் இழப்பின்றி 170 ரன்கள் எடுத்து 10 விக்கெட் வித்தியாசத்தில் இந்தியாவை வீழ்த்தி இறுதிச்சுற்றுக்கு முன்னேறியது. அலெக்ஸ் ஹேல்ஸ் 86, பட்லர் 80 ரன்களுடன் ஆட்டமிழக்காமல் இருந்தார்கள். ஞாயிறன்று மெல்போர்னில் நடைபெறவுள்ள டி20 உலகக் கோப்பை இறுதிச்சுற்றில் இங்கிலாந்து - பாகிஸ்தான் அணிகள் மோதவுள்ளன.
2011 உலகக் கோப்பை வெற்றிக்குப் பிறகு இந்திய அணி எப்படி விளையாடியுள்ளது?
2012 டி20 உலகக் கோப்பை: அரையிறுதிக்குத் தகுதி பெறவில்லை
2014 டி20 உலகக் கோப்பை: இறுதிச்சுற்றில் தோல்வி
2015 ஒருநாள் உலகக் கோப்பை: அரையிறுதியில் தோல்வி
2016 டி20 உலகக் கோப்பை: அரையிறுதியில் தோல்வி
2019 ஒருநாள் உலகக் கோப்பை: அரையிறுதியில் தோல்வி
2021 உலக டெஸ்ட் சாம்பியன்ஷிப்: இறுதிச்சுற்றில் தோல்வி
2021 டி20 உலகக் கோப்பை: அரையிறுதிக்குத் தகுதி பெறவில்லை
2022 டி20 உலகக் கோப்பை: அரையிறுதியில் தோல்வி