டி20 உலகக் கோப்பை தகுதிச்சுற்று: அயர்லாந்தை எளிதாக வீழ்த்திய ஜிம்பாப்வே!

டி20 உலகக் கோப்பை தகுதிச்சுற்றில் அயர்லாந்தை 31 ரன்கள் வித்தியாசத்தில் வீழ்த்தியுள்ளது ஜிம்பாப்வே அணி.

டி20 உலகக் கோப்பை தகுதிச்சுற்று (முதல் சுற்று) ஆட்டத்தில் குரூப் பி பிரிவைச் சேர்ந்த ஜிம்பாப்வே - அயர்லாந்து அணிகள் இன்று மோதின.முதலில் பேட்டிங் செய்த ஜிம்பாப்வே அணி, 20 ஓவர்களில் 7 விக்கெட் இழப்புக்கு 174 ரன்கள் எடுத்தது. சிக்கந்தர் ராஸா 48 பந்துகளில் 5 சிக்ஸர்கள், 5 பவுண்டரிகளுடன் 82 ரன்கள் எடுத்தார். அயர்லாந்தின் ஜோஷ் லிட்டில் 3 விக்கெட்டுகளை வீழ்த்தினார்.

ஜிம்பாப்வே அளித்த இலக்கை விரட்ட முடியாமல் தடுமாறினார்கள் அயர்லாந்து பேட்டர்கள். முதல் 4 விக்கெட்டுகளை 22 ரன்களுக்கு இழந்ததால் ஆரம்பத்திலேயே அயர்லாந்தின் தோல்வி உறுதியானது. அதற்குப் பிறகும் ஜிம்பாப்வே தொடர்ந்து ஆதிக்கம் செலுத்தி ஆட்டத்தைத் தன்வசமாக்கியது. அயர்லாந்து அணி, 9 விக்கெட் இழப்புக்கு 143 ரன்கள் எடுத்து 31 ரன்கள் வித்தியாசத்தில் தோல்வியடைந்தது. 

குரூப் பி பிரிவைச் சேர்ந்த மற்றொரு ஆட்டத்தில் மேற்கிந்தியத் தீவுகள் அணியை ஸ்காட்லாந்து வீழ்த்தியது. 

இந்திய அணியின் பேட்டிங்கில் திருப்தியா?: ரோஹித் சர்மா பதில்!

ஷமிக்குக் கடைசி ஓவரை மட்டும் வழங்கியது ஏன்?: ரோஹித் சர்மாவின் ஆச்சர்ய பதில்!