பிரபல முன்னாள் வீரர் யுவ்ராஜ் சிங், ஆண் குழந்தைக்குத் தந்தையாகியுள்ளார்.
40 வயது யுவ்ராஜ் சிங், இந்திய அணிக்காக 2000 முதல் 2017 வரை விளையாடி 40 டெஸ்டுகள், 304 ஒருநாள், 58 டி20 ஆட்டங்களில் விளையாடினார். 2019-ல் ஓய்வு பெற்றார்.
இந்திய வம்சாவளியைச் சேர்ந்த இங்கிலாந்து நடிகையான ஹஸல் கீச்சை 2016-ல் திருமணம் செய்தார் யுவ்ராஜ் சிங். இந்நிலையில் ஆண் குழந்தைக்குத் தந்தையாகியுள்ள தகவலை இன்ஸ்டகிராமில் அவர் தெரிவித்துள்ளார். இன்று எங்களுக்கு ஆண் குழந்தை பிறந்துள்ளது. அனைவருடைய வாழ்த்துகளுக்கும் நன்றி என்று கூறியுள்ளார்.
யுவ்ராஜ் சிங் தந்தையானதற்குப் பிரபலங்கள் பலரும் வாழ்த்துகளைத் தெரிவித்துள்ளார்கள்.