டி20 உலகக் கோப்பைப் போட்டியில் தொடர்ந்து ஏமாற்றம் அளித்து வருகிறார் பாகிஸ்தான் கேப்டன் பாபர் ஆஸம்.
உலகின் மிகச்சிறந்த பேட்டர்களில் ஒருவரான 28 வயது பாபர் ஆஸம், டி20 உலகக் கோப்பைப் போட்டியில் தொடர்ந்து மோசமாக விளையாடி வருகிறார்.
இதுவரை விளையாடிய 4 இன்னிங்ஸில் 14 ரன்கள் மட்டுமே எடுத்துள்ளார். ஸ்டிரைக் ரேட்டும் 46.6 தான்.
2022 டி20 உலகக் கோப்பைப் போட்டியில் பாபர் ஆஸம்:
0(1), 4(9), 4(5) & 6(15)
மேலும் கடந்த 5 டி20 ஆட்டங்களில் அவர் அதிகபட்சமாக நியூசிலாந்துக்கு எதிராக 15 ரன்கள் எடுத்துள்ளார். எனினும் பாகிஸ்தான் நிர்வாகம் பாபர் ஆஸம் மிகுந்த நம்பிக்கையுடன் உள்ளது. இனி வரும் ஆட்டங்களில் அவர் அதிக ரன்கள் எடுப்பார் என ரசிகர்கள் காத்திருக்கிறார்கள்.