சூப்பர் 12 சுற்றில் அதிக ஸ்டிரைக் ரேட்டுடன் விளையாடிய வீரர்கள்!

டி20 உலகக் கோப்பைப் போட்டியில் குரூப் 2 பிரிவில் முதல் இடம் பிடித்து அரையிறுதிக்குத் தகுதியடைந்துள்ளது இந்திய அணி. அரையிறுதிக்கு இந்தியா, நியூசிலாந்து, இங்கிலாந்து, பாகிஸ்தான் ஆகிய 4 அணிகள் தகுதி பெற்றுள்ளன. புதன் அன்று சிட்னியில் நடைபெறும் முதல் அரையிறுதியில் நியூசிலாந்து - பாகிஸ்தான் அணிகள் மோதவுள்ளன. வியாழன் அன்று அடிலெய்டில் நடைபெறவுள்ள 2-வது அரையிறுதியில் இந்தியா - இங்கிலாந்து அணிகள் மோதவுள்ளன.

சூப்பர் 12 சுற்றில் அதிரடியாக விளையாடி அதிக பேட்டிங் ஸ்டிரைக் கொண்ட வீரர்களில் முதலிடம் பிடித்துள்ளார் இந்தியாவின் சூர்யகுமார் யாதவ். குறைந்தது 40 பந்துகளை எதிர்கொண்ட பேட்டர்களில் சூர்யகுமாருக்கு முதலிடமும் நியூசிலாந்தின் ஃபின் ஆலனுக்கு 2-ம் இடமும் கிடைத்துள்ளன.

சூப்பர் 12 சுற்றில் அதிக பேட்டிங் ஸ்டிரைக் ரேட் (குறைந்தது 40 பந்துகளை எதிர்கொண்ட பேட்டர்கள்):

1. சூர்யகுமார் யாதவ் (இந்தியா) - 225 ரன்கள் -  193.96 ஸ்டிரைக் ரேட்
2. ஃபின் ஆலன் (நியூசிலாந்து) - 91 ரன்கள் -  189.58 ஸ்டிரைக் ரேட்
3. ஷதாப் கான் (பாகிஸ்தான்) - 78 ரன்கள் - 177.27 ஸ்டிரைக் ரேட்
4. ரூசோவ் (தென்னாப்பிரிக்கா) - 141 ரன்கள் - 169.87 ஸ்டிரைக் ரேட்
5. கிளென் பிளிப்ஸ் (நியூசிலாந்து) - 195 ரன்கள் - 163.86 ஸ்டிரைக் ரேட்