செய்தி மடல்
இ-பேப்பர்
/
முத்தரப்பு டி20 போட்டியில் பாகிஸ்தானை எளிதாக வீழ்த்தியுள்ளது நியூசிலாந்து அணி.
கிறைஸ்ட்சர்ச்சில் நடைபெற்ற ஆட்டத்தில் முதலில் பேட்டிங் செய்த பாகிஸ்தானால் 20 ஓவர்களில் 7 விக்கெட் இழப்புக்கு 130 ரன்கள் மட்டுமே எடுக்க முடிந்தது. ஒருவராலும் 30 ரன்களை எடுக்க முடியாத அளவுக்குச் சிறப்பாகப் பந்துவீசினார்கள் சுழற்பந்து வீச்சாளர்களான சான்ட்னர், பிரேஸ்வெல், இஷ் சோதி ஆகியோர். சான்ட்னர், பிரேஸ்வெல், செளதி ஆகிய மூவரும் தலா 2 விக்கெட்டுகளை எடுத்தார்கள். ரிஸ்வான் 16, பாபர் ஆஸம் 21 ரன்கள் மட்டும் எடுத்தார்கள். எளிதான இலக்கை 16.1 ஓவர்களில் 1 விக்கெட் இழப்புக்கு 131 ரன்கள் எடுத்து வெற்றி பெற்றது நியூசிலாந்து அணி. ஃபின் ஆலன் 42 பந்துகளில் 6 சிக்ஸர்கள், 1 பவுண்டரியுடன் 62 ரன்கள் எடுத்தார். கான்வே 49, வில்லியம்சன் 9 ரன்களுடன் ஆட்டமிழக்காமல் இருந்தார்கள்.
இந்த வெற்றியினால் 3 ஆட்டங்களில் 2 வெற்றியுடன் அதிக ரன்ரேட்டுடன் முதலிடத்துக்கு முன்னேறியுள்ளது நியூசிலாந்து அணி. 2 வெற்றிகளுடன் 2-ம் இடத்தில் உள்ளது பாகிஸ்தான். வங்கதேச அணி மீதமுள்ள இரு ஆட்டங்களிலும் வெற்றி பெற்றால் மட்டுமே இறுதிச்சுற்றுக்குள் நுழையும் வாய்ப்பு உருவாகும்.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.
