டி20 உலகக் கோப்பைப் போட்டியில் காயம் காரணமாக விலகிய பும்ராவுக்குப் பதிலாக இந்திய அணியில் முகமது ஷமி தேர்வு செய்யப்பட்டுள்ளார்.
அக்டோபர் 16 முதல் நவம்பர் 13 வரை 2022 டி20 உலகக் கோப்பைப் போட்டி ஆஸ்திரேலியாவில் நடைபெறுகிறது. இதற்காக ஆஸ்திரேலியாவின் பெர்த் நகரில் பயிற்சி மேற்கொண்டிருக்கும் இந்திய அணி இதுவரை இரு பயிற்சி ஆட்டங்களில் விளையாடியுள்ளது. பிரிஸ்பேனில் மேலும் இரு பயிற்சி ஆட்டங்களில் விளையாடும் இந்திய அணி முதல் உலகக் கோப்பை ஆட்டமாக அக்டோபர் 23 அன்று பாகிஸ்தானுடன் மோதுகிறது.
இந்நிலையில் காயம் காரணமாக விலகிய பும்ராவுக்குப் பதிலாக இந்திய அணியில் மற்றொரு வேகப்பந்து வீச்சாளர் முகமது ஷமி தேர்வு செய்யப்பட்டுள்ளதாக பிசிசிஐ இன்று அறிவித்துள்ளது. ஆஸ்திரேலியா சென்றுள்ள ஷமி, விரைவில் இந்திய அணியினருடன் இணைந்து பயிற்சியில் ஈடுபடவுள்ளார். மேலும் மாற்று வீரர்களாக சிராஜும் ஷர்துல் தாக்குரும் அறிவிக்கப்பட்டுள்ளார்கள். அவர்கள் இருவரும் விரைவில் ஆஸ்திரேலியாவுக்குச் செல்லவுள்ளார்கள். மாற்று வீரர்களாக இதற்கு முன்பு அறிவிக்கப்பட்ட ஷ்ரேயஸ் ஐயரும் ரவி பிஸ்னோயும் இதுவரை ஆஸ்திரேலியாவுக்குச் செல்லவில்லை. மற்றொரு வீரரான தீபக் சஹார், காயம் காரணமாக விலகியுள்ளார்.
டி20 உலகக் கோப்பை: இந்திய அணியில் இடம்பெற்றுள்ள ஒரே ஒரு பெண் ஊழியர்!
சையத் முஷ்டாக் அலி: தமிழக அணிக்கு 2-வது வெற்றி
ஆஸ்திரேலியாவில் தரமான சம்பவம் நடைபெறப் போகிறது: மே.இ. தீவுகள் முன்னாள் கேப்டன் கணிப்பு
2021 டி20 உலகக் கோப்பை அணியிலிருந்து நீக்கப்பட்ட வீரர்கள் யார் யார்?
டி20 உலகக் கோப்பை: இந்திய அணி ஆட்டங்களின் நேரங்கள்!