ஆசிய ஹாக்கி: இறுதிப் போட்டியில் இந்தியா!

சென்னை: ஆசிய சாம்பியன்ஸ் கோப்பை ஹாக்கி அரையிறுதிப் போட்டியில் ஜாப்பானை வீழ்த்தி இறுதிப் போட்டிக்கு இந்திய அணி முன்னேறியது.

சென்னை எழும்பூரில் உள்ள மேயா் ராதாகிருஷ்ணன் ஹாக்கி மைதானத்தில் 7-ஆவது ஆசிய சாம்பியன்ஸ் கோப்பை ஹாக்கி தொடர் நடைபெற்று வருகின்றது.

இந்த தொடரின் அரையிறுதிப் போட்டியில் இந்தியா - ஜப்பான் அணிகள் இன்று மோதின. இதில், இந்திய அணி 5-0 என்ற கோல் கணக்கில் அபார வெற்றி பெற்று இறுதிப் போட்டிக்கு முன்னேறியுள்ளது.

முன்னதாக நடைபெற்ற முதல் அரையிறுதிப் போட்டியில் வெற்றி பெற்ற மலேசியா அணியை இறுதிப் போட்டியில் இந்திய அணி சந்திக்கவுள்ளது.