ஆஷஸ் தொடரிலிருந்து இங்கிலாந்து துணைக் கேப்டன் விலகல்! 

இங்கிலாந்து டெஸ்ட் கிரிக்கெட்டின் துணைக் கேப்டன் 25 வயதான ஆலி போப் காயம் காரணமாக விலகியுள்ளார். 38 டெஸ்ட் போட்டிகளில் விளையாடியுள்ள போப் 2136 ரன்கள் எடுத்துள்ளார். இதில் 4 சதங்கள், 11 அரைசதங்கள் அடங்கும். 

இதையும் படிக்க: முதன்முறையாக ஐசிசி மகளிர் தரவரிசையில் முதலிடம் பிடித்த இலங்கை வீராங்கனை! 

ஆஷஸ் 2வது டெஸ்ட் போட்டியின்போது தோல்பட்டையில் காயம் ஏற்பட்டது. இருந்தும் வலியுடனே போட்டியினை தொடர்ந்து விளையாடிய போப் தற்போது தொடரிலிருந்து விலகியுள்ளார். 

இதையும் படிக்க: ஐபிஎல் போட்டிகளில் விளையாடாமல் இருப்பதற்காக வீரர்களுக்கு இழப்பீடு வழங்கினோம்: பிசிபி

காயத்திற்கு அறுவை சிகிச்சை தேவைப்படுவதாக இங்கிலாந்து கிரிக்கெட் வாரியத்தின் மருத்துவக்குழு தெரிவித்துள்ளது. அதனால் அவருக்கு பதிலாக டான் லாரன்ஸ் விளையாடுவார் என எதிர்பார்க்கப்படுகிறது. 

டான் லாரன்ஸ், கடந்த 4 டி20 பிளாஸ்ட் போட்டியில் 3 அரைசதம் அடித்து அசத்தியுள்ளதும் குறிப்பிடத்தக்கது. 

5 போட்டிகள் கொண்ட தொடரில் ஆஸ்திரேலியா அணி 2-0 என முன்னிலையில் உள்ளது குறிப்பிடத்தக்கது.