இந்தியாவுக்கு எதிரான ஒரு நாள் கிரிக்கெட் தொடரில் மோதவிருக்கும் ஆஸ்திரேலிய அணிக்கு ஸ்டீவ் ஸ்மித் கேப்டனாகியிருக்கிறாா்.
ஆஸ்திரேலிய கேப்டன் பேட் கம்மின்ஸின் தாயாருக்கு உடல்நலக் குறைவு ஏற்பட்டதை அடுத்து ஆஸ்திரேலியா சென்ற கம்மின்ஸ், கடைசி இரு டெஸ்ட்டுகளில் விளையாடவில்லை.
இந்நிலையில் அவரது தாயாா் காலமானதால், அவா் தற்போது இந்தியா திரும்பவில்லை. இதையடுத்து, கடைசி இரு டெஸ்ட்டுகளுக்கு ஆஸ்திரேலிய கேப்டநாக இருந்த ஸ்டீவ் ஸ்மித், தற்போது ஒரு நாள் தொடருக்கும் கேப்டனாக்கப்பட்டுள்ளாா்.
கம்மின்ஸுக்கான மாற்று வீரராக அணியில் எவரும் சோ்க்கப்படவில்லை. கடந்த பிப்ரவரியிலேயே 16 பேருடன் அறிவிக்கப்பட்ட ஒரு நாள் தொடருக்கான ஆஸ்திரேலிய அணியில், சமீபத்தில் காயம் கண்டு விலகிய ஜை ரிச்சா்ட்சனுக்குப் பதிலாக நேதன் எலிஸ் சோ்க்கப்பட்டுள்ளாா்.
அணி விவரம்: ஸ்டீவ் ஸ்மித் (கேப்டன்), டேவிட் வாா்னா், டிராவிஸ் ஹெட், மாா்னஸ் லபுசான், மிட்செல் மாா்ஷ், மாா்கஸ் ஸ்டாய்னிஸ், அலெக்ஸ் கேரி, கிளென் மேக்ஸ்வெல், கேமரூன் கிரீன், ஜோஷ் இங்லிஸ், ஷான் அப்பாட், ஆஷ்டன் அகா், மிட்செல் ஸ்டாா்க், நேதன் எலிஸ், ஆடம் ஸாம்பா.