ரன் அவுட்: கடுப்பில் பேட்டைத் தூக்கி எறிந்த ஹர்மன்ப்ரீத் கெளர் (விடியோ)

எதிர்பாராமல் நேர்ந்த தவறால் ரன் அவுட் ஆன இந்திய மகளிர் அணி கேப்டன் ஹர்மன்ப்ரீத் கெளர், மைதானத்திலேயே தனது கோபத்தை வெளிப்படுத்தினார். 

மகளிா் டி20 உலகக் கோப்பை கிரிக்கெட் போட்டியின் முதல் அரையிறுதி ஆட்டத்தில் ஆஸ்திரேலியா 5 ரன்கள் வித்தியாசத்தில் இந்தியாவை வென்றது. அத்துடன், முதல் அணியாக இறுதி ஆட்டத்துக்குத் தகுதிபெற்றது ஆஸ்திரேலியா. இந்த ஆட்டத்தில் முதலில் ஆஸ்திரேலியா 20 ஓவா்களில் 4 விக்கெட்டுகள் இழப்புக்கு 172 ரன்கள் எடுக்க, இந்தியா 20 ஓவா்களில் 8 விக்கெட்டுகளை இழந்து 167 ரன்களையே எட்டியது. 

கடந்த உலகக் கோப்பை போட்டியில் இறுதி ஆட்டத்தில் ஆஸ்திரேலியாவிடம் தோற்ற இந்தியா, தற்போது அரையிறுதியிலேயே அதே அணியிடம் வீழ்ந்து வெளியேறியிருக்கிறது. இதனால், உலகக் கோப்பையை வெல்லும் இந்தியாவின் கனவு, இன்னும் கனவாகவே நீடிக்கும் நிலைக்குச் சென்றது.

இந்திய அணி நடுவரிசை பேட்டர்களான ஹர்மன்ப்ரீத் சிங்கும் ஜெமிமாவும் நன்கு விளையாடி வெற்றிக்கு அருகில் சென்றார்கள். எனினும் ஜெமிமா 43 ரன்களிலும் ஹர்மன்ப்ரீத் கெளர் 52 ரன்களிலும் ஆட்டமிழந்ததால் ஆட்டத்தில் திருப்புமுனை ஏற்பட்டுக் கடைசியில் இந்திய அணி தோற்றது. அதிலும் ஹர்மன்ப்ரீத் கெளர் எதிர்பாராத விதத்தில் ரன் அவுட் ஆனார். 2-வது ரன் ஓடி வரும்போது பேட் ஆடுகளத்தில் இடறியதால் அவரால் கிரீஸைத் தொட முடியாமல் போனது.

இதனால் விரக்தியடைந்த ஹர்மன்ப்ரீத் கெளர், ஓய்வறைக்குத் திரும்பியபோது மைதானத்திலேயே தனது பேட்டை கோபத்துடன் கீழே எறிந்தார். பிறகு உள்ளே சென்றபிறகு தனது பேட்டைப் படிக்கட்டில் மீண்டும் ஓங்கி அடித்தார். அவருடைய கோபம் தணிய சிறிது நேரமானது. இந்திய அணி தோல்வியடைந்த பிறகு கண்ணீர் விட்டார் ஹர்மன்ப்ரீத் கெளர். அவருக்கு வீராங்கனைகள் ஆறுதல் சொன்னார்கள். 

அவர் அப்படியா கூறினார்?: ஆச்சர்யப்பட்ட ஹர்மன்ப்ரீத் கெளர்!

பிப்ரவரி 24: மூன்று இரட்டைச் சதங்கள் அடிக்கப்பட்ட நாள்!

ஐசிசி போட்டிகளில் தொடர்ந்து தோல்வியடையும் இந்திய மகளிர் அணி!

தாயாருக்கு உடல்நலக்குறைவு: 3-வது டெஸ்டிலிருந்து ஆஸி. கேப்டன் விலகல்!