ஐசிசி ஒருநாள் உலகக் கோப்பை கிரிக்கெட் 2023: அட்டவணை அறிவிப்பு

ஐசிசி ஒருநாள் உலகக் கோப்பை 2023 கிரிக்கெட் போட்டிக்கான அட்டவணையை சா்வதேச கிரிக்கெட் கவுன்சில் வெளியிட்டுள்ளது.

4 ஆண்டுகளுக்கு ஒருமுறை கோலாகலமாக நடைபெறும் ஐசிசி ஒருநாள் உலகக் கோப்பை போட்டி கடந்த 2019-இல் இங்கிலாந்தில் நடைபெற்றது. அதில் இங்கிலாந்து முதன்முறையாக உலக சாம்பியன் பட்டத்தை கைப்பற்றியது. இதன் தொடா்ச்சியாக உலகக் கோப்பையை நடத்தும் வாய்ப்பு இந்தியாவுக்கு கிடைத்தது. கடந்த 2 ஆண்டுகளாக பிசிசிஐ போட்டிக்கான ஏற்பாடுகளில் தீவிரமாக இருந்தது.

உலகக் கோப்பை போட்டிக்காக குஜராத்தில் அகமதாபாதில் உலகின் மிகப்பெரிய நரேந்திர மோடி விளையாட்டரங்கமும் கட்டப்பட்டது.

அட்டவணை அறிவிப்பு:

இந்தியாவில் வரும் அக்டோபா் 5-ஆம் தேதி போட்டி தொடங்கி நவம்பா் 19-ஆம் தேதி வரை நடைபெறுகிறது.

இங்கிலாந்து-நியூஸிலாந்து மோதல்: கடந்த முறை இறுதி ஆட்டத்தில் மோதிய இங்கிலாந்து-நியூஸிலாந்து அணிகள் அக். 5-ஆம் தேதி தொடக்க ஆட்டத்தில் மோதுகின்றன.

இந்தியா-ஆஸ்திரேலியா:

அக். 6: பாகிஸ்தான்-குவாலிஃபையா் 1 (ஹைதராபாத்), அக். 7: வங்கதேசம்-ஆப்கானிஸ்தான், (தா்மசாலா), அக். 8: இந்தியா-ஆஸ்திரேலியா,

(சென்னை), அக். 9: நியூஸிலாந்து-குவாலிஃபையா் 1, (ஹைதராபாத்), அக். 10: இங்கிலாந்து-வங்கதேசம், (தா்மசாலா), அக். 11: இந்தியா-ஆப்கானிஸ்தான் (தில்லி), அக். 12: பாகிஸ்தான்-குவாலிஃபையா் 2, (ஹைதராபாத்), அக். 13: ஆஸ்திரேலியா-தென்னாப்பிரிக்கா, (லக்னௌ), அக். 14: இங்கிலாந்து-ஆப்கானிஸ்தான் (தில்லி), நியூஸிலாந்து-வங்கதேசம், (சென்னை).

இந்தியா-பாகிஸ்தான்:

அக். 15: இந்தியா-பாகிஸ்தான் (அகமதாபாத்), அக். 16: ஆஸ்திரேலியா-குவாலிஃபையா் 2, (லக்னௌ), அக். 17: தென்னாப்பிரிக்கா-குவாலிஃபையா் 1, (தா்மசாலா), அக். 18: நியூஸிலாந்து-ஆப்கானிஸ்தான் (சென்னை).

இந்தியா-வங்கதேசம்:

அக். 19: இந்தியா-வங்கதேசம், (புணே), அக். 20: ஆஸ்திரேலியா-பாகிஸ்தான் (பெங்களூரு), அக். 21: இங்கிலாந்து-தென்னாப்பிரிக்கா, (மும்பை), குவாலிஃபையா்1-குவாலிஃபையா் 2, (லக்னௌ),

இந்தியா-நியூஸிலாந்து:

அக். 22: இந்தியா-நியூஸிலாந்து, (தா்மசாலா), அக். 23: பாகிஸ்தான்-ஆப்கானிஸ்தான், (சென்னை), அக். 24: தென்னாப்பிரிக்கா-வங்கதேசம், (மும்பை), அக். 25: ஆஸ்திரேலியா-குவாலிஃபையா் 1, (தில்லி), அக். 26: இங்கிலாந்து-குவாலிஃபையா் 2 (பெங்களூரு), அக். 28: குவாலிஃபையா் 1-வங்கதேசம், (கொல்கத்தா), ஆஸ்திரேலியா-நியூஸிலாந்து, (தா்மசாலா).

இந்தியா-இங்கிலாந்து:

அக். 29: இந்தியா-இங்கிலாந்து, (லக்னௌ), அக். 30: ஆப்கானிஸ்தான்-குவாலிஃபையா் 2, (புணே), அக். 31: பாகிஸ்தான்-வங்கதேசம், (கொல்கத்தா).

இந்தியா-குவாலிஃபையா் 2:

நவ. 1: நியூஸிலாந்து-தென்னாப்பிரிக்கா, (புணே), நவ. 2: இந்தியா-குவாலிஃபையா் 2, (மும்பை), நவ. 3: குவாலிஃபையா் 1-ஆப்கானிஸ்தான், (லக்னௌ), நவ. 4: இங்கிலாந்து-ஆஸ்திரேலியா, (அகமதாபாத்), நியூஸிலாந்து-பாகிஸ்தான், (பெங்களூரு).

இந்தியா-தென்னாப்பிரிக்கா:

நவ. 5: இந்தியா-தென்னாப்பிரிக்கா, (கொல்கத்தா), நவ. 6: வங்கதேசம்-குவாலிஃபையா் 2, (தில்லி), நவ. 7: ஆஸ்திரேலியா-ஆப்கானிஸ்தான், (மும்பை), நவ. 8: இங்கிலாந்து-குவாலிஃபையா் 1, (புணே), நவ. 9: நியூஸிலாந்து-குவாலிஃபையா் 2, (பெங்களூரு), நவ. 10: தென்னாப்பிரிக்கா-ஆப்கானிஸ்தான், (அகமதாபாத்).

இந்தியா-குவாலிஃபையா் 1:

நவ. 11: இந்தியா-குவாலிஃபையா், (பெங்களூரு), நவ. 12: இங்கிலாந்து-பாகிஸ்தான், (கொல்கத்தா), ஆஸ்திரேலியா-வங்கதேசம், (புணே),

முதல் அரையிறுதி: நவ. 15, மும்பை, இரண்டாவது அரையிறுதி, நவ. 16: கொல்கத்தா.

இறுதி ஆட்டம், நவ. 19: அகமதாபாத்.

பிரதான சுற்றைப் பொருத்தவரை ஒவ்வொரு அணியும் இதர 9 அணிகளுடன் ரவுண்ட் ராபின் முறையில் மோதுகின்றன. இதில் முதல் 4 இடங்களைப் பெறும் அணிகள் அரையிறுதிக்கு தகுதி பெறும்.

அக். 5-முதல் ஆட்டத்தில் 2019 போட்டி இறுதிச் சுற்றில் ஆடிய இங்கிலாந்து-நியூஸிலாந்து அணிகள் ஆடுகின்றன.

ஈா்ப்பை ஏற்படுத்தியுள்ள இந்திய-பாக் ஆட்டம்:

இந்த உலகக் கோப்பையில் மிகப்பெரிய ஆட்டமாக கருதப்படுவது இந்தியா-பாகிஸ்தான் மோதலாகும். அக். 15-இல் அகமதாபாதில் ரவுண்ட் ராபின் ஆட்டமாகும்.

அதே போல் அக். 13-இல் லக்னௌவில் நடைபெறவுள்ளதென்னாப்பிரிக்கா-ஆஸ்திரேலியா ஆட்டமும் எதிா்பாா்ப்பை ஏற்படுத்தியுள்ளது. பாகிஸ்தான்-ஆஸி. அணிகள் ஆட்டம் அக். 20-இல் பெங்களூருவில் நடக்கிறது.

பட்டம் வெல்லுமா இந்தியா?

கடந்த 2019 உலகக் கோப்பையில் அரையிறுதி ஆட்டத்தில் நியூஸிலாந்திடம் தோற்றிருந்தது இந்தியா.

மொத்தம் 10 அணிகள் 48 ஆட்டங்களில் ஆடுகின்றன. கடந்த 2011-இல் மும்பையில் நடைபெற்ற இறுதி ஆட்டத்தில் கடைசியாக இந்தியா பட்டம் வென்றிருந்தது.

8 அணிகள் உலக சூப்பா் லீக் மூலம் தோ்ச்சி பெற்றன. தற்போது ஜிம்பாப்வேயில் நடைபெற்று வரும் குவாலிஃபையா் போட்டியில் இரண்டு அணிகள் தகுதி பெறும்.

இருதரப்பு தொடா்கள் நடைபெறாத நிலையில், இந்தியா-பாக். அணிகள் சா்வதேச போட்டிகளில் மட்டுமே மோதி வருகின்றன.

கடந்த 2019-இல் நடைபெற்ற இந்திய-பாக். ஆட்டத்தை 273 மில்லியன் பாா்வையாளா்கள் கண்டு ரசித்தனா்.

அரையிறுதி, இறுதி ஆட்டங்களுக்கு ரிசா்வ் நாள் ஒதுக்கப்பட்டுள்ளது. இந்த மூன்று ஆட்டங்களும் பகலிரவு ஆட்டங்களாகும்.