செய்தி மடல்
இ-பேப்பர்
டி20 போட்டிகளில் ஆஸ்திரேலிய வீரர் புதிய சாதனை!
டி20 போட்டிகளில் ஆஸ்திரேலிய அணியின் சுழற்பந்துவீச்சாளர் புதிய சாதனை ஒன்றை படைத்துள்ளார்.
படம் | கிரிக்கெட்.காம்.ஏயு (எக்ஸ்)
டி20 போட்டிகளில் ஆஸ்திரேலிய அணியின் சுழற்பந்துவீச்சாளர் ஆடம் ஸாம்பா புதிய சாதனை ஒன்றை படைத்துள்ளார்.
டி20 உலகக் கோப்பைத் தொடரை ஆஸ்திரேலிய அணி வெற்றியுடன் தொடங்கியுள்ளது. ஓமனுக்கு எதிரான முதல் போட்டியில் ஆஸ்திரேலிய அணி 39 ரன்கள் வித்தியாசத்தில் வெற்றி பெற்றது. இந்தப் போட்டியில் ஆஸ்திரேலிய அணியின் நட்சத்திர சுழற்பந்துவீச்சாளர்களில் ஒருவரான ஆடம் ஸாம்பா 2 விக்கெட்டுகளைக் கைப்பற்றினார்.
ஓமனுக்கு எதிரான போட்டியில் 2 விக்கெட்டுகளைக் கைப்பற்றியதன் மூலம் டி20 போட்டிகளில் ஆடம் ஸாம்பா புதிய சாதனை ஒன்றை படைத்துள்ளார். டி20 போட்டிகளில் 300 விக்கெட்டுகளைக் கைப்பற்றிய இரண்டாவது ஆஸ்திரேலிய வீரர் என்ற சாதனையை அவர் படைத்துள்ளார். 332 விக்கெட்டுகளுடன் இந்தப் பட்டியலில் ஆஸ்திரேலிய அணியின் வேகப் பந்துவீச்சாளர் ஆண்ட்ரூ டை முதலிடத்தில் உள்ளார்.
ஆடம் ஸாம்பா - படம் | AP
டி20 போட்டிகளில் அதிக விக்கெட்டுகளைக் கைப்பற்றியவர்கள் வரிசையில் மேற்கிந்தியத் தீவுகள் அணியின் முன்னாள் வீரர் டுவைன் பிராவோ (573 போட்டிகள், 625 விக்கெட்டுகள்), ஆப்கானிஸ்தான் அணியின் ரஷித் கான் (426 போட்டிகள், 576 விக்கெட்டுகள்) மற்றும் முன்னாள் மேற்கிந்தியத் தீவுகள் வீரர் சுனில் நரைன் (513 போட்டிகள், 552 விக்கெட்டுகள்) முதல் மூன்று இடங்களில் உள்ளனர்.
இதுவரை 258 டி20 போட்டிகளில் விளையாடியுள்ள ஆடம் ஸாம்பா 301 விக்கெட்டுகளைக் கைப்பற்றியுள்ளது குறிப்பிடத்தக்கது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News
உடனுக்குடன் செய்திகளை அறிய தினமணி App பதிவிறக்கம் செய்யவும்.
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.