விஜய் வீட்டுக் கதவைத் தட்டினார் இபிஎஸ்: ஓ. பன்னீர்செல்வம்ரம்ஜான் கொண்டாட்டத்தை மேலும் இரட்டிப்பாக்கும் தங்கம் விலை நிலவரம்!அதிமுகவின் முதலாளிகள் பாஜகவும் அமித் ஷாவும்தான்: ஜோதிமணி எம்.பி.கத்தார் எரிவாயு விநியோகம் பாதிப்பு! இந்தியாவிலும் 5 ஆண்டுகளுக்கு பாதிப்பா?ரமலான் திருநாள்! குடியரசுத் தலைவர், பிரதமர் வாழ்த்து!ஈரான் போர்! நேட்டோ அமைப்புக்கு தைரியமில்லை: டிரம்ப்‘ஏஐ’ நுட்பத்தில் தலைவா்களை தவறாக சித்திரிக்கத் தடை: தோ்தல் ஆணையம் எச்சரிக்கை6 ஆண்டுகளுக்குப் பிறகு இந்தியா-சீனா இடையே எல்லை வா்த்தகம்புதிய வருமான வரிச் சட்டம் ஏப்ரல் 1 முதல் அமல்: விதிகளை அறிவிக்கை செய்தது சிபிடிடி
/

சிதம்பரம் அருகே அரசு பேருந்தும், கல்லூரி பேருந்தும் நேருக்கு நேர் மோதல்: 51 பேர் காயம்

சிதம்பரம் அருகே அரசு பேருந்தும், தனியார் கல்லூரி பேருந்தும் வியாழக்கிழமை மாலை நேருக்கு நேர் மோதிக்கொண்ட விபத்தில் கல்லூரி மாணவ, மாணவியர்கள் 8 பேர் உள்ளிட்ட 51 பேர் படுகாயமடைந்தனர்.

News image
Updated On :14 ஜூலை 2016, 4:13 pm

ஜி.சுந்தரராஜன்

சிதம்பரம் அருகே அரசு பேருந்தும், தனியார் கல்லூரி பேருந்தும் வியாழக்கிழமை மாலை நேருக்கு நேர் மோதிக்கொண்ட விபத்தில் கல்லூரி மாணவ, மாணவியர்கள் 8 பேர் உள்ளிட்ட 51 பேர் படுகாயமடைந்தனர்.

கடலூர் மாவட்டம் சிதம்பரம் அருகே புவனகிரி தாலுக்கா வண்டுராயன்பட்டு எனுமிடத்தில் வியாழக்கிழமை மாலை 5.30 மணிக்கு சிதம்பரத்திலிருந்து நெய்வேலி டவுன்ஷிப் சென்ற புதுச்சேரி அரசு பேருந்தும், புவனகிரி நோக்கி வந்த ஏரிஸ் பாலிடெக்னிக் கல்லூரி பேருந்தும் நேருக்கு நேர் மோதிக்கொண்டது.

இதில் கல்லூரி பேருந்து டிரைவர் ஆழ்வார் (45) என்பவருக்கு கால்முறிவு ஏற்பட்டது. சாந்தி (20) அண்ணாமலைப் பல்கலைக்கழக மாணவிக்கும், ராஜேந்திரன் (50) உள்ளிட்ட மொத்தம் 51 பேர் காயமடைந்தனர். கல்லூரி பேருந்தில் பயணம் செய்த 8 மாணவ, மாணவியர்களும், அரசு பேருந்தில் பயணம் செய்த 42 பயணிகளும் படுகாயமடைந்தனர்.

இதில் 9 பேர் ராஜா முத்தையா மருத்துவக்கல்லூரி மருத்துவமனையிலும், 12 பேர் சிதம்பரம் அரசு மருத்துவமனையிலும் சிகிச்சை பெற்று வருகின்றனர். மீதமுள்ளவர்கள் சிகிச்சை பெற்று வீட்டுக்கு அனுப்பி வைக்கப்பட்டனர்.

தகவல் அறிந்த சிதம்பரம் கோடாட்சியர் பி.எஸ்.விஜயலட்சுமி மற்றும் மோட்டார் வாகன ஆய்வாளர் ஆகியோர் அரசு மருத்துவமனை மற்றும் ராஜா முத்தையா மருத்துவக்கல்லூரி மருத்துவமனைக்கு சென்று சிகிச்சை பெற்று வருபவர்களை பார்த்து ஆறுதல் தெரிவித்து விசாரணை நடத்தினர். விபத்து குறித்து புவனகிரி காவல் நிலையத்தினர் வழக்குப் பதிவு விசாரணை மேற்கொண்டுள்ளனர்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.