சமையல் எரிவாயு விலை ரூ.35.50 உயர்வு

வீடுகளுக்கு விநியோகிக்கப்படும் மானியம் அல்லாத சமையல் எரிவாயு உருளையின் விலை ரூ.35.50 உயர்த்தப்பட்டுள்ளது.
வீடுகளுக்கு விநியோகிக்கப்படும் மானியம் அல்லாத சமையல் எரிவாயு உருளையின் விலை சென்னையில் செவ்வாய்க்கிழமை (ஜூலை 31) வரை ரூ.770.50-ஆக இருந்தது. அதன் விலை புதன்கிழமை (ஆக.1) முதல் ரூ.806-ஆக உயர்த்தப்பட்டுள்ளது.
மானியத்துடன் கூடிய...மானியத்துடன் கூடிய சமையல் எரிவாயு உருளையின் விலை சென்னையில் ரூ.484.67-லிருந்து ரூ.486.42-ஆக புதன்கிழமை (ஆக.1) முதல் அதிகரிக்கப்பட்டுள்ளது. அதாவது ரூ.1.75 உயர்த்தப்பட்டுள்ளது.
வங்கிக் கணக்கில் எவ்வளவு? சமையல் எரிவாயு உருளைக்கு புதன்கிழமை (ஆக.1) முதல் பதிவு செய்வோர் ரூ.806 செலுத்த வேண்டும். அவர்களது வங்கிக் கணக்கில் ரூ.319.58 செலுத்தப்படும் என்று அதிகாரிகள் தெரிவித்தனர்.