மூத்தவர் இருக்க இளையவருக்கு பட்டாபிஷேகம் நடைபெற்றுள்ளது: திமுகவை விமர்சித்த தம்பிதுரை

மூத்தவர் இருக்க இளையவருக்கு பட்டாபிஷேகம் நடைபெற்றுள்ளது என்று திமுகவை மக்களவை துணை சபாநாயகர் தம்பிதுரை விமர்சித்துள்ளார். 

இதுகுறித்து அவர் கரூரில் செய்தியாளர்களுக்கு அளித்த பேட்டியில், 
திறமையின் அடிப்படையில் இல்லாமல், கருணாநிதியின் மகன் என்ற முறையில் ஸ்டாலினுக்கு தலைவர் பதவி வழங்கப்பட்டுள்ளது. மூத்தவர் இருக்க இளையவருக்கு பட்டாபிஷேகம் நடைபெற்றுள்ளது. 

கருணாநிதி புகழஞ்சலி கூட்டத்துக்கு அமித்ஷா வராததால் பாஜகவை வீழ்த்துவோம் என்கிறார் ஸ்டாலின். அதிமுகவை வீழ்த்துவோம் என ஸ்டாலின் கூறியுள்ளது வேடிக்கையாக உள்ளது. மத்தியில் யார் ஆட்சி அமைப்பது என்பதை அதிமுக தீர்மானிக்கும். 

பணமதிப்பு நீக்க நடவடிக்கையால் பெரிய மாற்றம் ஏற்படவில்லை. வியாபாரிகள், விவசாயிகளுக்கு பாதிக்கப்பட்டுள்ளனர். மத்திய அரசின் திட்டங்களில் தமிழகத்திற்கு பயன் என்றால் ஆதரவு அளிப்போம். இவ்வாறு அவர் கூறினார்.