முதல்வர் வேட்பாளர் யார் என்ற சர்ச்சை: அதிமுக நிர்வாகிகள் முக்கிய ஆலோசனை

அதிமுகவின் முதல்வர் வேட்பாளர் யார் என்ற சர்ச்சை எழுந்துள்ள நிலையில் அதிமுக நிர்வாகிகள் சென்னை ராயப்பேட்டையில் உள்ள அதிமுக தலைமை அலுவலகத்தில் முக்கிய ஆலோசனையில் ஈடுபட்டுள்ளனர்.

அதிமுக தலைமை அலுவலகத்தில் இன்று நடைபெறும் ஆலோசனைக் கூட்டத்தில் அதிமுக துணை ஒருங்கிணைப்பாளர்கள் வைத்திலிங்கம் மற்றும்  கே.பி.முனுசாமி மற்றும் மனோஜ் பாண்டியன் ஆகியோர் ஆலோசனையில் பங்கேற்றுள்ளனர். இந்த ஆலோசனைக் கூட்டத்தில் சட்ட அமைச்சர் சி.வி. சண்முகமும் பங்கேற்றுள்ளார்.

முன்னதாக, பழனிசாமியே என்றும் முதல்வர் என்று அமைச்சர் ராஜேந்திர பாலாஜி தெரிவித்திருந்தார். ஆனால், ராஜேந்திர பாலாஜியின் கருத்து கட்சியின் கருத்து அல்ல என்றும், தேர்தல் நேரத்தில் முதல்வர் வேட்பாளர் யார் என்று முடிவு செய்யப்படும் என்றும் அமைச்சர் ஜெயக்குமார் விளக்கம் அளித்திருந்தார்.

இதையும் படிக்கலாமே.. நாட்டிலேயே தமிழகத்தில்தான் அதிக பிளாஸ்மா வங்கிகள்: விஜயபாஸ்கர்

அதிமுகவில் முதல்வர் வேட்பாளர் யார் என்ற சர்ச்சை எழுந்துள்ள நிலையில், அதிமுக நிர்வாகிகள் இன்று கூடி ஆலோசனை நடத்துவது முக்கியத்துவம் பெற்றுள்ளது.