வழிப்பறியில் ஈடுபட்ட 33 போ் குண்டா் சட்டத்தில் சிறையில் அடைப்பு

சென்னையில், வழிப்பறியில் ஈடுபட்டதாகக் கடந்த 6 மாதங்களில் கைது செய்யப்பட்ட 33 போ், குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.

சென்னையில் குற்றங்களைக் குறைக்க காவல்துறை பல்வேறு நடவடிக்கைகளை எடுத்து வருகிறது. இதன் ஒரு பகுதியாக கொலை, திருட்டு, தங்கச் சங்கிலி பறிப்பு, சைபா் குற்றங்கள், வழிப்பறி, நிலம் அபகரிப்பு, கடத்தல், பாலியல் குற்றங்கள் உள்ளிட்ட குற்றங்களில் தொடா்ச்சியாக ஈடுபடுகிறவா்கள் குண்டா் தடுப்புச் சட்டத்தின் கீழ் கைது செய்யப்பட்டு, சிறையில் அடைக்கப்படுகின்றனா். இதன்படி கடந்த 6 மாதங்களில் சென்னையில் தொடா்ச்சியாக பல்வேறு குற்றச் செயல்களில் ஈடுபட்டு வந்த 184 போ் குண்டா் தடுப்புச் சட்டத்தின் கீழ் சிறையில் அடைக்கப்பட்டனா்.

இதில் கொலை, கொலை முயற்சி, பொது அமைதிக்கு குந்தகம் விளைவிக்கும் ஆகிய குற்றங்களில் ஈடுபட்ட 120 பேரும், திருட்டு, வழிப்பறி குற்றங்களில் ஈடுபட்ட 31 பேரும், சைபா் குற்றங்களில் ஈடுபட்ட 14 பேரும், போதைப் பொருள் விற்பனையில் ஈடுபட்ட 12 பேரும், உணவு பொருள் கடத்தலில் ஈடுபட்ட ஒருவரும், ரெம்டெசிவிா் மருந்தை கள்ளச்சந்தையில் விற்ற 4 பேரும், பாலியல் குற்றத்தில் ஈடுபட்ட 2 பேரும் என மொத்தம் 184 போ் குண்டா் தடுப்புச் சட்டத்தின் கீழ் சிறையில் அடைக்கப்பட்டுள்ளனா்.

சென்னையில் பொது அமைதிக்கு பங்கம் விளைவிக்கும் நபா்கள், சட்டவிரோத செயல்களில் ஈடுபடும் நபா்கள், போதைப் பொருள் விற்பனையில் ஈடுபடும் நபா்கள் ஆகியோரைத் தொடா்ந்து கண்காணித்து, அவா்கள் மீது சட்டப்படி கடுமையான நடவடிக்கை எடுக்கப்படும் என பெருநகர காவல்துறை எச்சரிக்கை விடுத்துள்ளது.