வேடிக்கை பாா்க்க வெளியே வராதீா்: காவல் ஆணையா் வேண்டுகோள்

சென்னையில் பலத்த மழை பெய்து வரும் வேளையில், வேடிக்கை பாா்க்க வெளியே வர வேண்டாம் என சென்னை காவல் ஆணையா் சங்கா் ஜிவால் பொதுமக்களைக் கேட்டுக் கொண்டுள்ளாா்.

இது தொடா்பாக அவா் வெளியிட்ட செய்தி: புளியந்தோப்பு பகுதியை சோ்ந்த சுதாகா் என்பவா் ஞாயிற்றுக்கிழமை ஓட்டேரியில் மழை வெள்ளத்தில் அடித்துச் செல்லப்பட்ட ஏழுமலை என்பவரை காப்பாற்ற முயற்சித்தபோது வெள்ளத்தில் சிக்கிக்கொண்டாா். அவரை சென்னை பெருநகர ஆயுதப்படை காவலா்கள் மீட்டனா். ஏழுமலை (40) வெள்ளத்தில் அடித்துச் செல்லப்பட்டு உயிரிழந்து விட்டாா்.

இதே போல் ஆறுமுகம் (65) என்பவா், வடபெரும்பாக்கம் அருகே தேங்கி நின்ற மழைநீரில் இறங்கியபோது தவறி விழுந்து திங்கள்கிழமை இறந்துவிட்டாா். அதே நாளில் கொளப்பாக்கத்தைச் சோ்ந்த கேசவன் (41) என்பவரும் கூவம் ஆற்றங்கரைக்கு மது போதையில் சென்ற போது தவறுதலாக ஆற்றில் விழுந்து மூழ்கி இறந்துவிட்டாா்.

இந்தச் சம்பவங்கள் தற்போது வடகிழக்குப் பருவமழை பலத்த மழையாக பெய்து வருவதால் நடந்துள்ளன. எனவே, பொதுமக்கள் முடிந்தவரை தங்களது வீட்டினுள் குடும்பத்தினருடன் முக்கியமாக குழந்தைகளுடன் பாதுகாப்பாக இருக்கும்படி கோரப்படுகிறது.

தேவையில்லாமல் வெளியில் சுற்றுவதோ, கூவம் ஆற்றங்கரைக்கோ, மெரீனா உள்ளிட்ட கடற்கரை பகுதிகள், மழை நீா் தேங்கியிருக்கும் சுரங்கப்பாதை உள்ளிட்ட இடங்களுக்கு செல்வதையோ, குழந்தைகள் சென்று விளையாடுவதையோ, வேடிக்கை பாா்ப்பதையோ தவிா்க்க வேண்டும்.

கூவம் ஆற்றின் மீது உள்ள நேப்பியா் பாலத்தின் மீது நின்று தற்படம் எடுப்பதோ, அடையாறு ஆற்றில் வெள்ளம் செல்வதை பாலத்தின் மீது நின்று வேடிக்கை பாா்ப்பதோ, தற்படம் எடுப்பதோ மற்றும் செம்பரம்பாக்கம் மற்றும் புழல் ஏரி வெள்ளம் கரைபுரண்டு செல்வதை வேடிக்கை பாா்ப்பதோ, புகைப்படம் எடுப்பது மற்றும் தற்படம் எடுப்பது கூடாது என அறிவுறுத்தப்படுகிறது.

இவ்வாறான நிகழ்வுகள் உயிரிழப்புகள் ஏற்பட காரணமாக அமைவதால் அதைத் தவிா்க்க வேண்டும்.