முதல்வா் ஸ்டாலின் வாழ்த்து

குடியரசுத் தலைவராகப் பொறுப்பேற்ற திரெளபதி முா்முவுக்கு முதல்வா் மு.க.ஸ்டாலின் வாழ்த்துத் தெரிவித்துள்ளாா்.

இதுகுறித்து, அவா் வெளியிட்ட செய்தி: குடியரசுத் தலைவராகப் பொறுப்பேற்றுள்ள தங்களுக்கு எனது வாழ்த்துகள். நீங்கள் தோ்ந்தெடுக்கப்பட்டது ஜனநாயக கொள்கையின் மீதான நாட்டின் நம்பிக்கையையும், பலத்தையும் வெளிப்படுத்துகிறது. குடியரசுத் தலைவராக உங்கள் சேவைகளால் நாடு பயனடையும் என்று உறுதியாக நம்புகிறேன் எனத் தெரிவித்துள்ளாா்.

ராம்நாத் கோவிந்த்: இதேபோன்று, குடியரசுத் தலைவா் பொறுப்பை நிறைவு செய்துள்ள ராம்நாத் கோவிந்துக்கு முதல்வா் மு.க.ஸ்டாலின் வெளியிட்ட வாழ்த்து:

தமிழக சட்டப்பேரவையின் நூற்றாண்டு விழாவில் எனது அழைப்பை ஏற்று தாங்கள் கலந்து கொண்டு சிறப்பித்ததை நினைவுகூா்கிறேன். நாட்டின் குடியரசுத் தலைவராக எங்கள் மாநிலத்துக்கு நீங்கள் அளித்த ஆதரவுக்கு நன்றி.

தங்களது வளமான அனுபவத்தால் நாடு தொடா்ந்து பயன்பெறும். நல்ல உடல் நலத்துடன் அமைதியான வாழ்வு அமைந்திட வாழ்த்துகள் எனத் தெரிவித்துள்ளாா்.