சென்னை: சென்னையில் ஆபரணத் தங்கத்தின் விலை மீண்டும் ரூ.47 ஆயிரத்தை தொட்டது.
தங்கத்தின் விலை கடந்த சில நாள்களாக ஏற்ற இறக்கத்துடன் உள்ளது. சென்னையில் வெள்ளிக்கிழமை ஆபரணத் தங்கத்தின் விலை கிராமுக்கு ரூ.35 உயா்ந்து ரூ.5,860-க்கும், பவுனுக்கு ரூ.280 உயா்ந்து ரூ.46,880-க்கும் விற்பனையாகிறது.
இந்த நிலையில், சனிக்கிழமை ஆபரணத் தங்கத்தின் விலை மீண்டும் ரூ.47,000 -ஐ தொட்டது.
தங்கத்தின் விலை கிராமுக்கு ரூ.15 உயா்ந்து ரூ.5,875-க்கும், பவுனுக்கு ரூ.120 உயா்ந்து ரூ.47,000-க்கும் விற்பனையாகிறது.
கிறிஸ்துமஸ், புத்தாண்டு, பொங்கல் என தொடர்ந்து பண்டிகை நாள்கள் நெருங்கி வரும் தங்கம் விலை தொடர்ந்து அதிகரித்து பவுன் ரூ.47 ஆயிரத்தை தொட்டதால் நகை பிரியர்கள் அதிர்ச்சி அடைந்துள்ளனர்.
வெள்ளி விலை கிராமுக்கு 50 காசுகள் குறைந்து ரூ.80.50-க்கும், ஒரு கிலோ (கட்டி வெள்ளி) ரூ.500 குறைந்து ரூ.81,000-க்கும் விற்பனையாகிறது.