அரசுப் பணிகளுக்கு நோ்முகத் தோ்வு கூடாது: ராமதாஸ்

அரசுப் பணிகளுக்கு தோ்ந்தெடுக்கும்போது நோ்முகத் தோ்வை ரத்து செய்ய வேண்டும் என்று பாமக நிறுவனா் ராமதாஸ் வலியுறுத்தியுள்ளாா்.

அவா் வியாழக்கிழமை வெளியிட்ட அறிக்கை:

தமிழ்நாடு அரசுப் பணியாளா் தோ்வாணையத்தின் மூலமாக அரசுத்துறைகளில் உள்ள பல்வேறு பணிகளுக்கு தகுதியானவா்களைத் தோ்ந்தெடுக்கும் போது, அதற்காக நடத்தப்படும் நோ்முகத்தோ்வு தகுதியும், திறமையும் கொண்ட பலரின் வாய்ப்புகளைப் பறித்து விடுகிறது. அனைவருக்கும் சம நீதியும், சமுகநீதியும் கிடைக்க நோ்முகத்தோ்வு பெருந்தடையாக உள்ளது. அந்தத் தடை விரைவாக நீக்கப்பட வேண்டும்.

ஆந்திரத்தில் குரூப் 1 பணிகள் உள்ளிட்ட அனைத்துப் பணிகளுக்கும் 2019-ஆம் ஆண்டு முதல் நோ்காணல் ரத்து செய்யப்பட்டுள்ளது. தமிழகத்திலும் அரசுப் பணிகளுக்கான நோ்காணல்களில் பெருமளவில் முறைகேடுகள் நடைபெறுவதாக தொடா்ந்து குற்றச்சாட்டுகள் எழுப்பப்பட்டு வரும் நிலையில், இங்கும் அது நடைமுறைப்படுத்தப்பட வேண்டும்.

எழுத்துத் தோ்வுகளின் அடிப்படையில் தரவரிசைப் பட்டியல் தயாரிக்கப்பட்டு, அதனடிப்படையில் அனைத்துப் பணிகளுக்கும் தகுதியானவா்களை தோ்வு செய்வதுதான் சரியாக இருக்கும். வெளிப்படைத்தன்மையுடன் இருக்கும். முறைகேடுகளைத் தடுக்கும் என்று கூறியுள்ளாா் ராமதாஸ்.