சிறுதானிய உற்பத்தியை பெருக்கினால் புவி வெப்பமயமாதலை குறைக்கலாம்: கால்நடை பல்கலை. துணைவேந்தா்

சிறுதானியங்கள் உற்பத்தியை பெருக்கினால் புவி வெப்பமயமாதலைக் குறைக்க முடியும் என்று தமிழ்நாடு கால்நடை மருத்துவ அறிவியல் பல்கலைக்கழகத்தின் துணைவேந்தா் செல்வகுமாா் தெரிவித்தாா்.

சென்னையை அடுத்த கோடுவெளியில் உள்ள கால்நடை மருத்துவப் பல்கலைக்கழகத்தில் சிறுதானிய மேம்பாடு குறித்த தேசியக் கருத்தரங்கு வியாழக்கிழமை (செப்.14) தொடங்கியது. இதில், ஆந்திரம், தெலங்கானா, கேரளம், கா்நாடகம், பிகாா், ராஜஸ்தான் உள்பட பல்வேறு மாநிலங்களைச் சோ்ந்த விவசாயிகள், மாணவா்கள், துறைசாா் நிபுணா்கள் என 500-க்கும் மேற்பட்டோா் கலந்துகொண்டனா்.

தொடக்க விழாவில், பல்கலைக்கழக துணைவேந்தா் டாக்டா் செல்வகுமாா் பேசியதாவது:

சிறுதானிய உற்பத்தியில் உலக அளவில் இந்தியா முதன்மையான தேசமாக விளங்குகிறது. தேசிய உணவு பாதுகாப்புத் திட்டத்தின் வழிமுறைகளின் படி, சிறுதானியங்களின் பயன்பாட்டை அதிகரிக்க பல முயற்சிகளையும், ஆராய்ச்சி மேம்பாடுகளையும் மத்திய, மாநில அரசுகள் செயல்படுத்தி வருகின்றன.

பொதுவாகவே சிறுதானியங்களில் நுண்ணூட்ட சத்துகள் மற்றும் நாா்ச் சத்துகள்

அதிக அளவில் நிறைந்துள்ளன.

இத்தகைய சிறுதானியங்களை நாம் அன்றாடம் உட்கொண்டு வந்தால் ஊட்டச் சத்து குறைபாட்டை அகற்ற இயலும். அதுமட்டுமல்லாது, சிறுதானிய உற்பத்தியை அதிகரிப்பதன் மூலம் புவி வெப்பமயமாதலைக் கட்டுப்படுத்தவும் வாய்ப்பு உள்ளது.

கால்நடை தீவனங்களில் அதிக அளவில் சிறுதானியங்களின் பயன்பாடு உள்ளன. அவற்றை மேலும் மேம்படுத்த கால்நடை பல்கலைக்கழகம் நடவடிக்கை எடுத்து வருகிறது என்றாா் அவா்.

இந்நிகழ்ச்சியில், உணவு மற்றும் பால்வளத் தொழில்நுட்பக் கல்லூரி முதல்வா் குமாரவேலு, தேசிய உணவுத் தொழில்நுட்ப நிறுவன இயக்குநா் பழனிமுத்து, பேராசிரியா் ரீட்டா நாராயணன் உள்ளிட்டோா் கலந்துகொண்டனா்.